20 de decembro de 2024: INFORMACIÓN E RECOMENDACIÓNS PARA PARTICIPANTES E FAMILIAS

Entrega e recollida nas instalacións:

Non se lles permite ás familias entrar nas instalacións. O punto de entrega e recollida dos/as menores será o portalón exterior do Frontón de Riazor.

Equipamento e recomendacións para participantes:

• INDUMENTARIA: roupa e calzado deportivo, así como abrigo para as actividades exteriores.
  • Para as actividades na piscina, deberán levar bañador, toalla, chanclas, gorro e recoméndanse lentes de natación tamén. O primeiro día de campamento, todas as persoas deberán levar a indumentaria para a piscina.
  • Para a saída á pista de xeo instalada no Porto da Coruña, que será o martes, con saída en autobús dende o propio Palacio de Deportes de Riazor. Para esta actividade será necesario levar guantes.
• RECOMENDACIÓNS: levar un pequeno bidón, cantimplora ou similar irrompible (non se admite de cristal) identificado co seu nome e unha pequena merenda para tomar a media mañá.

Programación de actividades

Durante o desenvolvemento de cada quenda de campamento están previstas as actividades que se relacionan a continuación, susceptibles de variación por razóns organizativas e/ou de seguridade: atletismo, escalada deportiva, loita e defensa persoal, bádminton, esgrima, xadrez, carreira de orientación, xogos acuáticos, actividades na natureza ou exteriores (que poderán ser patinaxe ou similares).

Pódese descargar o cadro de actividades na seguinte ligazón::  Programación de actividades Campamentos Deportivos de Nadal 2024-25

17 de decembro de 2024: 2.º MOVEMENTO DA LISTA DE ESPERA

Tras a finalización do prazo para formalizar a matrícula as persoas con praza adxudicada no primeiro movemento da lista de espera, procédese ao segundo movemento coas prazas que quedaron vacantes.

Quenda	Posición na lista de espera
Quenda 1	Do 29 ao 41 da lista de espera
Quenda 2	Do 24 ao 33 da lista de espera

As persoas indicadas na táboa anterior poderán formalizar a matrícula no prazo e formas indicados a continuación:

DATAS: do 17 ao 19 de decembro de 2024, ás 14.00 h

LUGAR: habilitaranse dúas modalidades para formalizar a matrícula:

• En liña: a través da plataforma Cronos Web (https://coruna.gal/CronosWeb/Login), accedendo de forma identificada co correo electrónico.

• Presencial: acudindo á caixa do Palacio de Deportes de Riazor (r/ Manuel Murguía s/n). en horario das 08.15 ás 14.00 h. Terán preferencia as persoas que concerten cita previa e no seu horario. As persoas sen cita previa poderán acudir a matricularse nos horarios que queden dispoñibles.

Para que a matrícula sexa efectiva deberá aboarse a taxa correspondente.

Cada persoa só se poderá matricular nunha quenda. A matrícula nunha quenda supón a renuncia expresa á outra quenda solicitada, agás que, finalizada a lista de espera, quedasen prazas dispoñibles.

No caso de non formalizar a inscrición no prazo establecido, entenderase que se renuncia á praza e adxudicaranse as prazas vacantes seguindo a lista de espera.

DOCUMENTACIÓN que se debe achegar xunto coa matrícula:

• Documento do DNI/NIE do/da menor (de non ter, presentarase o Libro de familia)
• Documento do DNI/NIE do pai, nai ou titor/a.
• Só se procede, informes médicos ou outros.

No caso da matrícula en modalidade en liña, deberá subirse (se non está xa subida doutra ocasión) a documentación escaneada (ou unha imaxe) no apartado correspondente a "documentos persoais", dentro de (Arriba, "A miña conta" á dereita, á beira do nome). Tamaño máximo dos arquivos 600k.

13 de decembro de 2024: 1.º MOVEMENTO DA LISTA DE ESPERA

Tras a finalización do prazo para formalizar a matrícula as persoas con praza adxudicada no sorteo, procédese ao primeiro movemento da lista de espera coas prazas que quedaron vacantes.

Quenda	Posición na lista de espera
Quenda 1	Do 3 ao 28 da lista de espera
Quenda 2	Do 1 ao 22 da lista de espera

As persoas indicadas na táboa anterior, poderán formalizar a matrícula no prazo e formas indicados a continuación:

DATAS: do 13 ao 16 de decembro de 2024 (ambos os días incluídos).

LUGAR: habilitaranse dúas modalidades para formalizar a matrícula:

• En liña: a través da plataforma Cronos Web (https://coruna.gal/CronosWeb/Login), accedendo de forma identificada co correo electrónico.

• Presencial: acudindo á caixa do Palacio de Deportes de Riazor (r/ Manuel Murguía s/n). en horario das 08.15 ás 14.00 h. Terán preferencia as persoas que concerten cita previa e no seu horario. As persoas sen cita previa poderán acudir a matricularse nos horarios que queden dispoñibles.

Para que a matrícula sexa efectiva deberá aboarse a taxa correspondente.

Cada persoa só se poderá matricular nunha quenda. A matrícula nunha quenda supón a renuncia expresa á outra quenda solicitada, agás que, finalizada a lista de espera, quedasen prazas dispoñibles.

No caso de non formalizar a inscrición no prazo establecido, entenderase que se renuncia á praza e adxudicaranse as prazas vacantes seguindo a lista de espera.

DOCUMENTACIÓN que se debe achegar coa matrícula:

• Documento do DNI/NIE do/da menor (de non ter, presentarase o Libro de familia)
• Documento do DNI/NIE do pai, nai ou titor/a.
• Só se procede, informes médicos ou outros.

No caso da matrícula en modalidade en liña, deberá subirse (se non está xa subido doutra ocasión) a documentación escaneada (ou unha imaxe) no apartado correspondente a "documentos persoais", dentro de "A miña conta" (arriba, á dereita, á beira do nome). Tamaño máximo dos arquivos 600k.

3 de decembro de 2024: ADXUDICACIÓN DE PRAZAS E MATRÍCULA

Publícase a listaxe de adxudicación de prazas e lista de espera, organizada por quenda de campamento.

Para elaborar estas listaxes tivéronse en conta os criterios de preferencia establecidos no punto 6.6 das bases da convocatoria:

1. As persoas empadroadas no Concello da Coruña
2. A orde de preferencia da quenda indicada na solicitude (Opción 1 ou Opción 2)
3. O número asignado á solicitude en relación co número obtido no sorteo público (216)

As listaxes pódense consultar a continuación:

• Completo:  Listaxe adxudicación prazas - Todas as quendas - Nadal 2024-25
• Quenda 1:  Listaxe adxudicación prazas - Quenda-1 - Nadal 2024-25
• Quenda 2:  Listaxe adxudicación prazas - Quenda-2 - Nadal 2024-25

MATRÍCULA E FORMALIZACIÓN DA INSCRICIÓN

DATAS: as persoas que obtivesen praza poderán formalizar a matrícula do 5 ao 12 de decembro de 2024 (os dous días incluídos).

LUGAR: habilitaranse dúas modalidades para formalizar a matrícula:

• En liña: a través da plataforma Cronos Web (https://coruna.gal/CronosWeb/Login), accedendo de forma identificada co correo electrónico.

• Presencial: acudindo á caixa do Palacio de Deportes de Riazor (r/ Manuel Murguía s/n). en horario das 08.15 ás 14.00 h. Terán preferencia as persoas que concerten cita previa e no seu horario. As persoas sen cita previa poderán acudir a matricularse nos horarios que queden dispoñibles.

Para que a matrícula sexa efectiva deberase aboar a taxa correspondente.

Cada persoa só se poderá matricular nunha quenda. A matrícula nunha quenda supón a renuncia expresa á outra quenda solicitada, agás que, finalizada a lista de espera, quedasen prazas dispoñibles.

No caso de non formalizar a inscrición no prazo establecido, entenderase que se renuncia á praza e adxudicaranse as prazas vacantes seguindo a lista de espera.

DOCUMENTACIÓN que se debe achegar xunto coa matrícula:

• Documento do DNI/NIE do/da menor (de non ter, presentarase o Libro de familia)
• Documento do DNI/NIE do pai, nai ou titor/a.
• Só se procede, informes médicos ou outros.

No caso da matrícula en modalidade en liña, deberá subirse (se non está xa subida doutra ocasión) a documentación escaneada (ou unha imaxe) no apartado correspondente a "documentos persoais", dentro de (Arriba, "A miña conta" á dereita, á beira do nome). Tamaño máximo dos arquivos 600k.

2 de decembro de 2024: SORTEO

Unha vez realizado o sorteo público, o día 2 de decembro ás 09.00 h, o número obtido foi o 216, que será o número de corte para establecer a orde de adxudicación de prazas dos campamentos, atendendo aos criterios de preferencia establecidos no apartado 6.6 das bases que regulan a convocatoria.

A publicación das listas de persoas admitidas e en lista de espera realizarase o día 3 de decembro nesta páxina web. Tamén se poderá consultar no 010.

Pódese consultar o resultado do sorteo a través da seguinte ligazón: SORTEO

29 de novembro de 2024: LISTAXES EMENDADAS

Tras a finalización do prazo para a corrección de erros, publícanse as listaxes emendadas de solicitantes dos Campamentos Deportivos Municipais de Nadal 2024-25, coa a inclusión do número asignado para o sorteo:

• Listaxe Emendada - Por titor/a - Campas Nadal 2024-25
• Listaxe Emendada - Cronolóxico- Campas Nadal 2024-25
• Listaxe Emendada - Alfabética - Campas Nadal 2024-25

Así mesmo, publícase a listaxe de solicitudes anuladas:

• Listaxe Solicitudes ANULADAS - Campas Nadal 2024-25

O sorteo para a obtención do número de corte para a asignación das prazas terá lugar o luns 2 de decembro de 2024, ás 09.00 h.

Pódese seguir en directo a través da seguinte ligazón: SORTEO

26 de novembro de 2024: LISTAXE PROVISIONAL DE SOLICITANTES

Publícase a listaxe provisional de solicitantes dos campamentos deportivos de Nadal 2024-25, organizada por orde alfabética de titor/a:

• Listaxe provisional de solicitantes - Campamentos Deportivos de Nadal 2024-25

Ábrese o prazo para a corrección de erros, dende esta publicación e ata o 28 de novembro ás 23.59 h. As correccións remitiranse a través de correo electrónico ao enderezo programasdeportivos@coruna.gal.

No prazo de corrección de erros non se admitirán novas solicitudes nin cambios na orde de preferencia das quendas. Soamente se atenderá á corrección dos datos persoais consignados no formulario.

A listaxe definitiva, atendendo ás correccións, se proceden, e coa inclusión do número para o sorteo, publicarase o 29 de novembro de 2024.

O sorteo está previsto para o luns 2 de decembro ás 09.00 h.

20 de novembro de 2024: CONVOCATORIA

A continuación, recóllese un resumo das bases da convocatoria que regula este procedemento. As bases completas pódense consultar no documento do pé da páxina.

PERSOAS DESTINATARIAS

Poboación infantil e xuvenil con idades comprendidas entre os 6 e os 12 anos (nados/as entre o 01/01/2012 e o 31/12/2018). Aclárase que as persoas beneficiarias son as e os menores, non os seus titores ou as súas titoras legais ou custodios.

Terán preferencia as persoas empadroadas no Concello da Coruña.

Os e as menores que desexen participar no campamento deberán ser autónomos e ter control de esfínteres.

PROGRAMA TIPO E HORARIO

HORARIO	PROGRAMA TIPO
08.30-09.00	Chegada e recepción de participantes
09.00-10.30	Actividade deportiva I
10.30-12.00	Actividade deportiva II
12.00-12.30	Merenda (deberá ser achegada polos/as participantes)
12.30-14.00	Actividade deportiva III
14.00/14.30	Devolución e recollida de participantes

Actividades previstas: durante o desenvolvemento de cada quenda de campamento están previstas as actividades que se relacionan a continuación, susceptibles de variación por razóns organizativas e/ou de seguridade: atletismo, escalada deportiva, loita e defensa persoal, bádminton, esgrima, xadrez, carreira de orientación, xogos acuáticos, actividades na natureza ou no exterior.

Horarios:

• Horario xeral das actividades: 09.00-14.00 h
• Horario ampliado de conciliación:
  • Entrada: dende as 08.30 ata as 09.00 h
  • Saída: para elixir entre:
    • 14.00 h
    • 14.30 h

A opción de horario ampliado non supón un custo engadido.

LUGAR DE REALIZACIÓN

A sede principal será a Cidade Deportiva de Riazor. Poderanse realizar excursións e actividades en puntos de interese da cidade.

QUENDAS E PRAZAS

Establécense 2 quendas:

• Quenda 1: 23, 24, 26 e 27 de decembro de 2024
• Quenda 2: 30, 31 de decembro de 2024 e 2, 3 de xaneiro de 2025

Ofértanse un total de 144 prazas, organizadas en 72 prazas por quenda.

No formulario de solicitude deberase consignar a quenda á que queren asistir, por orde de preferencia.

PREZO

Aplicaranse as tarifas segundo a ordenanza fiscal en vigor (OF 15 art.6), e o prezo será de 35,04 € por persoa e quenda.

O horario ampliado non supón un custo engadido.

Redución de taxas: poderán obter unha redución do 50% na taxa relativa a campamentos aquelas persoas que conten cuns rendementos económicos brutos per cápita, computados anualmente por todos os conceptos e por unidade familiar, que non superen o indicador público de renda de efectos múltiples vixente no momento de efectuar a solicitude.

CRITERIOS DE PREFERENCIA PARA A ADXUDICACIÓN DE PRAZAS

Para establecer a orde de preferencia para a adxudicación de prazas terase en conta:

• 1º- As persoas empadroadas no Concello da Coruña.
• 2º- A orde de preferencia da quenda indicada na solicitude (Opción 1 ou Opción 2).
• 3º- O número asignado á solicitude en relación ao número obtido no sorteo público.

As persoas admitidas na súa primeira opción de preferencia quedarán automaticamente excluídas para a adxudicación na súa segunda opción, e pasarán ao final da lista de espera.

As persoas que non obtivesen praza neste proceso pasarán a formar parte da lista de espera.

DATAS PARA TER EN CONTA

• Presentación de solicitudes (PREINSCRICIÓNS): do 20 ao 24 de novembro de 2024 ás 23.59 horas, a través do formulario en liña.
• Publicación da listaxe provisional de solicitantes: 26 de novembro
• Corrección de erros: desde a publicación da listaxe provisional e ata o 28 de novembro de 2024 ás 23.59 horas, enviando un correo electrónico a programasdeportivos@coruna.gal .
• Publicación da listaxe definitiva para o sorteo: 29 de novembro de 2024
• Sorteo (de ser necesario): 2 de decembro, ás 09.00 horas
• Publicación da listaxe de adxudicación de prazas: 3 de decembro de 2024, a partir das 14.00 h
• Formalización da matrícula das persoas admitidas: do 5 ao 12 de decembro de 2024, telematicamente ou presencialmente, acudindo á caixa do Palacio de Deportes de Riazor das 08.15 ás 14.00 h.
• Xestión da lista de espera: a partir do 16 de decembro de 2024

PREINSCRICIÓN

As solicitudes para participar nos campamentos realizaranse do 20 ao 24 de novembro de 2024, a través do seguinte formulario:

Solicitude de preinscrición nos campamentos de Nadal

Non se admitirán preinscricións realizadas por outros medios.

Poderanse solicitar un máximo de 2 opcións, por orde de preferencia.

Cada menor só poderá constar nunha única solicitude (individual ou familiar). No caso de rexistrar, para unha mesma persoa, máis dunha solicitude, só se terá en conta a última e anularanse todas as feitas con anterioridade.

Solicitude familiar: para colaborar na conciliación das familias, no caso de que desexen optar á mesma quenda de campamento, deberán cubrir un único formulario de preinscrición (solicitude familiar), coa condición de que todos/as os/as menores sexan membros da mesma unidade familiar ou demostren convivencia no mesmo domicilio.

• A solicitude familiar permite, nun mesmo formulario, a preinscrición de ata 3 menores. No caso de superar esta cifra, deberán cubrir outro formulario correlativo no tempo se desexan optar á mesma quenda.
• No caso de que se presenten solicitudes-formularios diferentes non se garante a asistencia á mesma quenda, no caso de obter praza.

Aclárase que as persoas beneficiarias son as e os menores, por tanto só poderán realizar a solicitude de preinscrición e a matrícula, se é o caso, os/as titores/as legais que teñan a custodia. No caso de custodia compartida, os interesados deberanse poñer de acordo previamente; no caso de non alcanzar acordo, deberán remitirse ao Servizo de mediación de familia da Xunta de Galicia ou organismo competente, que será quen determine que custodio debe formalizar a solicitude e a matrícula.

EQUIPAMENTO E RECOMENDACIÓNS PARA PARTICIPANTES

• Indumentaria: roupa e calzado deportivo e abrigo para as actividades exteriores. Para as actividades na piscina, deberán levar traxe de baño, toalla, chancletas, gorro e recoméndanse lentes de natación tamén.
• Recomendacións: levar un pequeno bidón, cantimplora ou similar irrompible (non se admite de cristal) identificada co seu nome e unha pequena merenda para tomar a media mañá.

Enviaráselles ás persoas participantes, por correo electrónico, a información relativa ao desenvolvemento da actividade.