Unha mensaxe escrita en código, como o que ves aquí, coñécese como código cifrado. Ao principio, as outras persoas non poden descifrar o teu código. Pero iso non significa que os teus segredos estean a salvo. Cun pouco de esforzo, poderán descifralo. Entón que? Pois a crear outro!

Hoxe imos aprender como facer un código cifrado por substitución, substituíndo as letras por outras letras. Isto é o que imos facer:

• Primeiro, creamos unha clave que nos axudará a descifrar a mensaxe. Escribe nunha folla o alfabeto na súa orde normal: A, B, C... A esta liña de letras chamarémola Liña 1.
• Debaixo de cada letra do alfabeto, escribimos o alfabeto ao revés: debaixo do Z, escribimos A. Debaixo do Y escribimos B, e así sucesivamente ata que escribas o Z debaixo do A. A esta liña de letras chamarémola Liña 2.
• As letras da liña 1 corresponderanse coas letras da liña 2. Isto é, A = Z, B = Y, e así...

Agora imos coa mensaxe secreta que vos propoñiamos:

VHGV VH FN ÑVNHZQV HVXIVGL!

• Imos usar a clave para decodificala. Buscamos V na liña 2. Que letra na liña 1 é igual a V? Así é: V = E. Así que escribe un E. Agora atopa H na liña 2. H = S, así que escribe un S.
• Busca cada letra da mensaxe na liña 2 e escribe a letra correspondente da liña 1. Que di a mensaxe?
• Agora podes usar esta clave para escribir as túas propias mensaxes secretas. Escribe a túa mensaxe e despois atopa cada letra da túa mensaxe na liña 1 da túa clave. Escribe a letra da liña 2 que se corresponde con esa letra. Cando terminases, terás unha mensaxe codificada.

Nós deixámosche esta mensaxe. Pódela descifrar?:

BL BZ HV XLÑL OZEZIÑV YRVN OZH ÑZNLH. B GF?

código (abrir só en caso de emerxencia)

Liña 1: A B C D E F G H I J K L M N Ñ O P Q R S T U V W X Y Z

Liña 2: Z Y X W V U T S R Q P O Ñ N M L K J I H G F E D C B A