Alimentarse de forma equilibrada, atendendo as necesidades nutricionais de cada persoa, é unha das mellores ferramentas ao noso alcance para ter un bo estado de saúde. Durante estes días, os andeis dos supermercados baleiráronse dalgúns produtos, sobre todo legumes, arroces, leite e conservas.

Os legumes son unha parte fundamental da dieta, pois constitúen unha fonte importante de hidratos de carbono e proteínas; teñen baixo contido en graxas; e proporcionan moita fibra, minerais e vitaminas (sobre todo do grupo B). Recoméndase o seu consumo polo menos tres veces á semana. Pero non hai que esquecer incorporar a diario varias racións de froitas e verduras, e outros produtos frescos como os peixes e as carnes.

É momento de revisar a túa despensa e a túa lista da compra? A FAO (a Organización das Nacións Unidas para a Alimentación e a Agricultura) propón neste vídeo sete consellos sinxelos de alimentación saudable para afrontar a crise da COVID-19.