a) Solicitude, que deberá cubrirse e presentarse co modelo oficial establecido inserido nesta convocatoria.

b) DNI ou NIF da / do deportista solicitante. En caso de deportistas solicitantes menores de idade tamén é obrigatorio presentar o DNI ou NIF da/do representante legal.

c) Certificado de empadroamento actualizado na data de finalización do prazo de presentación de solicitudes, no que conste a antigüidade no empadroamento, así como as modificacións sufridas nos últimos 5 anos.

d) Documentación acreditativa do arraigamento familiar:

• Acreditación de nacer na cidade da Coruña: mediante o certificado de nacemento ou o DNI.
• Acreditación de vivir e/ou adestrar regularmente na cidade da Coruña: facturas ou recibos de subministracións (luz, gas, auga) ou documentos equivalentes a nome da persoa deportista ou da nai ou pai, no caso de ser menor de idade, así como documentos acreditativos de asistencia a instalacións deportivas sitas no municipio da Coruña.
• Xustificante de matrícula nun centro oficial de estudos da cidade da Coruña para o curso 2023-2024, así como certificado do centro que xustifique a asistencia regular e o aproveitamento dos estudos da persoa solicitante.
• Contrato de traballo nunha entidade con sede na cidade da Coruña e xustificante de que a persoa solicitante exerce o seu desempeño laboral nun lugar de traballo situado dentro do termo municipal da Coruña.
• Acreditación de ter vínculos familiares ata o segundo grao de consanguinidade ou afinidade na cidade da Coruña: mediante o libro de familia ou calquera outro documento con valor equivalente.

e) Licenza federativa vixente expedida pola federación deportiva correspondente que acredite a modalidade deportiva para a que solicita subvención, así como das licenzas federativas das dúas tempadas anteriores.

f) Historial deportivo obtido nas dúas últimas tempadas, con indicación da clasificación lograda en cada un dos campionatos de igual categoría para a que solicita a bolsa. O historial deportivo debe cubrirse no Anexo 1 adxunto a esta convocatoria.

g) Certificado emitido pola federación correspondente, onde se recollan os resultados deportivos obtidos nas dúas últimas tempadas.

h) Certificado acreditativo da federación deportiva correspondente no que se acredite que a persoa solicitante non está a cumprir sanción firme por infracción disciplinaria ou administrativa en materia deportiva cualificada como grave ou moi grave.

i) Proxecto deportivo para a tempada 2024, con mención expresa e obrigatoria das probas, campionatos e fases clasificatorias nos que a persoa deportista teña previsto participar durante o ano 2024. O proxecto deportivo deberá incluír ademais un plan completo de adestramentos. O proxecto deportivo debe cubrirse no Anexo 2 inserido nesta convocatoria.

j) Declaración responsable das subvencións ou bolsas solicitadas e as que lle foron concedidas para a mesma actividade procedentes de calquera Administración ou ente público ou privado, nacional ou internacional. Esta declaración xa está incluída no fomulario de solicitude.

k) Declaración responsable de non estar incursa ou incurso en ningún dos supostos de prohibición para obter a condición de persoa beneficiaria á que se refire o artigo 13 da LXS. Esta declaración xa está incluída no fomulario de solicitude.

l) Certificación dos datos bancarios da persoa beneficiaria da subvención (orixinal expedida pola entidade bancaria). Só para aqueles solicitantes que non teñan dada de alta a conta no Concello da Coruña.

m) Compromiso de levar no seu uniforme, material e/ou equipamento deportivo o logotipo do Concello da Coruña, nun lugar visible e de tamaño polo menos equivalente ao logotipo dos seus principais patrocinadores, así como de facer constar, no caso de dispoñer de páxina web ou redes sociais, que a ou o deportista recibe unha axuda municipal e colocar o logotipo municipal facendo mención a que a persoa deportista é bolseira polo Concello da Coruña. Deberá achegar ao proxecto deportivo un epígrafe específico no que reflicta o modo de cumprimento deste compromiso, no que se especifique o detalle con fotografías, bosquexos ou documentación gráfica específica. Este compromiso ao que fai referencia o punto 5 da solicitude, deberá cumprimentarse no apartado 6 do Anexo 2.

n) Certificado acreditativo de atoparse ao corrente do cumprimento das obrigas tributarias coa Axencia Tributaria estatal, o Concello da Coruña e a Seguridade Social. Só en caso de non autorizar a consulta destes datos ao Concello da Coruña.