Terá lugar o mércores 4 de xaneiro ás 19.30 h no planetario, a cargo de astrofísica coruñesa Isabel Suárez Fernández
Para público en xeral
04/01/2023
Xa rematou
Ás 19.30 h
Casa das Ciencias. Parque de Santa Margarita s/n. 15005 A Coruña
Gratis
A astrofísica coruñesa Isabel Suárez Fernández falará do tema central da súa tese, os fenómenos críticos en colapso gravitacional, na conferencia «Fenómenos críticos en colapso gravitacional, ondas gravitacionais e folerpas de neve. Que teñen que ver?», que terá lugar no planetario da Casa das Ciencias o vindeiro mércores 4 de xaneiro ás 19.30 h.
Estes fenómenos fascinantes teñen lugar en espazo-tempos extremos, e conéctanse con cousas tan cotiás como poñer unha pota de auga á o lume ou coas folerpas de neve. Na charla explicará conceptos básicos como que son un buraco negro, as ondas gravitacionais, as transicións de fase, os espazos-tempo extremos e todo o necesario para chegar a entender e comprender este tipo de fenomenoloxía tan peculiar e interesante.
Isabel Suárez Fernández estudou o Grao en Física na Universidade de Santiago de Compostela, onde tamén realizou un máster en Física. Traballou para o IGFAE (Instituto Galego de Física de Altas Enerxías) en física de partículas e despois doctourouse en Física Teórica en Lisboa, no Instituto Superior Técnico. A súa especialidade é a relatividade numérica, que aplica no seu posto actual de investigadora posdoutoral na Universidade das Illas Baleares no grupo de ondas gravitacionais, xunto co doutor Sascha Husa e a doutora. Alicia Sintes.
Coa colaboración da Agrupación Astronómica Coruñesa Ío.
28 de xaneiro de 2025
Unha exposición fotográfica que convida a reflexionar sobre a crise climática e ambiental
18 de decembro de 2024
Este Nadal a Casa das Ciencias conmemora con esta proxección o quinto aniversario da súa designación
10 de decembro de 2024
Alumnado, profesorado e familias da escola infantil elaboraron os adornos con materiais respectuosos coa natureza
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible