Os materiais magnéticos a escala nanométrica espertaron un grande interese debido ás súas propiedades únicas, que os fan altamente versátiles para diversas aplicacións tecnolóxicas. No ámbito da saúde, estes nanomateriais demostraron un gran potencial en áreas como a terapia magnética, a administración dirixida de fármacos, a hipertermia para o tratamento do cancro e a obtención de imaxes biomédicas avanzadas. A súa capacidade para responder a campos magnéticos externos de maneira controlada permite desenvolver tratamentos máis eficientes e menos invasivos.

Nesta charla Verónica Salgueiriño repasará as liñas de investigación e os avances recentes na síntese, caracterización e aplicacións biomédicas dos nanomateriais magnéticos, destacando os desafíos e perspectivas na súa integración na medicina moderna.