Na Coruña témoslle Apego á lingua!!

Seguimos coas nosas actividades presenciais no Centro Ágora para familias con nenas e nenos!

Velaquí a programación para os meses de marzo, abril e maio de 2026:

• "A voar", de Cé Orquestra Pantasma  (3-6 anos) APRAZADA!!!

Martes 10 de marzo, dous pases: 17.00 e 18.30 h (60 min)

Inscrición: a partir do venres 6 de marzo, ás 10.00 h

Ao son do enerxético ritmo de Cé Orquestra Pantasma, A voar pretende axudarlles ás nenas e nenos a reivindicaren a confianza necesaria para satisfaceren as súas necesidades de liberdade, movemento e xogo libre, así pois, rapazada... a voar!!

• “Carapuchiña Vermella e os 5 lobiños”, de Ángeles Goás  (0-3 anos)

​​​​​​Martes 17 de marzo, dous pases: 17.00 e 18.30 h (30 min)

Inscrición: a partir do venres 13 de marzo, ás 10.00 h

Narración oral e música onde a gran protagonista é unha Carapuchiña Vermella que vive unha aventura diferente. No seu camiño hai 5 lobiños pequerrechiños que caben na súa cesta. Narración de Ángeles Goás e música en directo de Cristina Castro.

• “Cantacontos para bebés“, de Pablo Díaz  (0-3 anos)

​​​​​​Martes 24 de marzo, dous pases: 17.00 e 18.30 h (45 min)

Inscrición: a partir do venres 20 de marzo, ás 10.00 h

Pablo Díaz fará unha viaxe a través dos contos coa música como fío condutor, tratando temas e rutinas adaptadas para as/os máis pequenas/os. Para conseguilo, axudarase de instrumentos como frautas, guitarra, harmónica e algún dos seus temas máis populares.

• “Voa, voa!”, de Talía Teatro (auditorio)  (5-6 anos)

​​​​​​Martes 31 de marzo, dous pases: 17.00 e 18.30 h (50 min)

Inscrición: a partir do venres 27 de marzo, ás 10.00 h

Espectáculo para o público infantil pero para desfrutar en familia, para divulgar e relembrar a arte de xogar coas palabras. Relación de ditos populares, retrousos, xogos de man que perduraron xeración tras xeración e que se foron transmitindo de xeito oral.

• “O son que me arrola”, da Asociación Socioeducativa Antonio Gandoy  (6 meses-3 anos) 

​​​​​​Luns 6 de abril, dous pases: 17.00 e 18.30 h (50 min)

Inscrición: a partir do venres 3 de abril, ás 10.00 h

Proposta musical que ofrece a posibilidade de lles achegar aos/ás máis cativos/as a cultura tradicional galega, da man dos cantos de berce e da instrumentación. Un tempo de escoita e outro de experimentación e manipulación de instrumentos de percusión.

• "Momento musical para bebés", de Lydia Botana  (0-3 anos) 

​​​​​​Martes 7 de abril, dous pases: 17.00 e 18.30 h (30 min)

Inscrición: a partir do venres 3 de abril, ás 10.00 h

Sesión participativa para coñecer algúns instrumentos, sons, contos, movementos ou cancións con xesto. As familias achegaranse a distintos estímulos sonoros e aprenderán a cantar distintas cancións nesta experiencia musical compartida coas súas crianzas.

• “Contos debuxados, debuxos contados”, de Caxoto e Marc Taeger  (4-6 anos) 

​​​​​​Martes 14 de abril, dous pases: 17.00 e 18.30 h (60 min)

Inscrición: a partir do venres 10 de abril, ás 10.00 h

Que pasa cando se xunta ilustración e palabra contada? Pois que xorde isto. O ilustrador Mark Taeger e o contador de contos Caxoto executan este man a man escénico cheo de  personaxes inesquecibles, creatividade desbordada e moito divertimento.

• “Fíos do querer”, de Cé Orquestra Pantasma  (0-3 anos) APRAZADA!!!

​​​​​​Martes 21 de abril, dous pases: 17.00 e 18.30 h (60 min)

Inscrición: a partir do venres 17 de abril, ás 10.00 h

Tecendo coas agullas máxicas dos aloumiños e as primeiras experiencias compartidas medrou Fíos do querer, envoltorio agarimoso para xogar e cantar coas crianzas de colo coa axuda de instrumentos tradicionais que se manipularán.

• “Ler para crer”, de Joshua Kenneth  (4-6 anos) 

​​​​​​Martes 28 de abril, dous pases: 17.00 e 18.30 h (45 min)

Inscrición: a partir do venres 24 de abril, ás 10.00 h

Espectáculo de ilusionismo participativo onde se trata de animar as familias e as crianzas a descubrir as marabillas e a maxia da lectura mediante a arte do imposible, unha das ferramentas educativas máis potentes.

• “Lingoreteira!”, de Xarope Tulú (auditorio)  (3-6 anos)

​​​​​​Martes 5 de maio, dous pases: 17.00 e 18.30 h (45 min)

Inscrición: a partir do venres 1 de maio, ás 10.00 h

Espectáculo de narración oral, música en directo e manipulación de monicreques. "Esa é unha lingoreteira", dicían. O que non sabían era que grazas a ela algunhas das historias que vos imos contar chegaron ata hoxe. Achegádevos que imos botar a lingua a pacer!

• “Contaconto ilustrado e musicado sobre Begoña Caamaño”, de Polo Correo do Vento  (3-6 anos)

​​​​​​Martes 12 de maio, dous pases: 17.00 e 18.30 h (50 min)

Inscrición: a partir do venres 8 de maio, ás 10.00 h

Homenaxe á escritora á que se lle dedica o Día das Letras Galegas. "É o momento non de cambiar as regras, senón de cambiar o xogo. De mudar o mundo, da xustiza, da igualdade, da liberdade e tamén da felicidade".

• “Leo e os números“, de Trémola Teatro  (1-3 anos)

​​​​​​Martes 19 de maio, dous pases: 17.00 e 18.30 h (40 min)

Inscrición: a partir do venres 15 de maio, ás 10.00 h

Leo, o León máis curioso da selva, está aprendendo os números. Ten un barco, dúas cereixas, tres coches... un día desordenáronselle todas... pobre Leo! Xa non lembra a orde dos números! Será capaz, coa vosa axuda, de ordenar as súas dez cousas favoritas?

• “Foliada con Apego”, de Pablo Díaz e Olga Kirk  (3-6 anos)

​​​​​​Martes 26 de maio, dous pases: 17.00 e 18.30 h (50 min)

Inscrición: a partir do venres 22 de maio, ás 10.00 h

Música e baile tradicional mesturado co xogo baseado nas cancións máis coñecidas por todas e todos (O galo, A vaca marela, O verdegaio...). As familias poden traer percusión miúda (axóuxeres, pandeiretas etc.) para amenizar a festa.