ANUNCIO

O Pleno do Concello, na sesión celebrada o 15.01.2026, adoptou, entre outros, o seguinte acordo:

"PRIMEIRO.- Aprobar a proposta de suspensión cautelar de tramitación de instrumentos de plan e otorgamiento de licenzas de parcelación de terreos e edificación no ámbito do plan especial de Labañou, segundo a delimitación grafiada no plano número 1 adxunto, polo prazo máximo dun (1) ano, coa finalidade de estudar a súa modificación, de conformidade co disposto no artigo 41 da Lei 2/2016, de 10 de febreiro, do chan de Galicia (LSG/16), e no artigo 86 do seu Regulamento de desenvolvemento.

A suspensión non afectará as obras ou actividades sinaladas no art. 86.3 do Decreto 143/2016, de 22 de setembro, polo que foi aprobado o regulamento da Lei do chan de Galicia (RLSG/16), para os casos nos que resulte de aplicación, nin aos usos e obras provisionais previstos no artigo 89 da LSG/16 (art. 204 do RLSG/16).

Esta suspensión extinguirase polo transcurso do prazo indicado, ou pola aprobación inicial da modificación puntual, nese caso entraría en vigor a suspensión prevista no artigo 47.2 da LSG/16.

SEGUNDO.- Publicar o acordo de suspensión no Diario Oficial de Galicia e nun dos xornais de maior difusión da provincia, así como na sede electrónica do Concello.

TERCEIRO.- Notificar este acordo aos Servizos e Departamentos municipais implicados na execución do plan."

Contra este acordo cabe interpoñer, de conformidade co disposto nos artigos 123 e 124 da Lei 39/2015, do 1 de outubro, do Procedemento Administrativo Común das Administracións Públicas, recurso potestativo de reposición ante o órgano que o ditou, no prazo máximo dun mes, ou ben, recurso contencioso-administrativo ante a sala correspondente do Tribunal Superior de Xustiza de Galicia, no prazo de dous meses, que se contarán a partir do día seguinte ao da publicación deste anuncio, de conformidade co disposto no artigo 46 da Lei 29/1998, do 13 de xullo, reguladora da xurisdición contencioso-administrativa, sen prexuízo de interpoñer calquera outro recurso que se entenda procedente e sexa conforme a dereito.

O plano e o resumo executivo pódense descargar da web de Urbanismo www.coruna.gal/urbanismo, no apartado de Exposición "Pública" ou do "visor Estado Desenvolvo PXOM 2013".

O que se publica para xeral coñecemento.

A Coruña, 4 de febreiro de 2026

Concelleiro delegado responsable da área de Urbanismo, Rehabilitación e Vivenda