O 14 de marzo conmemórase o Día Mundial das Matemáticas, unha xornada para poñer en alza as ensinanzas e coñecementos matemáticos, así como tamén a figura de todos aqueles que traballan neste campo. A finalidade desta conmemoración é alcanzar unha maior conciencia sobre a importancia desta ciencia no día a día. Ademais, do reforzo do ensino das matemáticas como parte fundamental da educación, para facer fronte a incógnitas que se expoñen noutros campos de estudo como a intelixencia artificial, o cambio climático, a enerxía e o desenvolvemento sostible.

Desde o Servizo Municipal de Educación traballamos esta ciencia a través da Feira matemática , que terá lugar en abril, e do Rebumbio matemático 2023-24 , que xa se está levando a cabo.

Queres saber algunhas curiosidades sobre esta Día?

• Coñécese este día como o Día de Pi, en conmemoración ao número Pi, cuxo valor é igual a 3,14, pois é unha das constantes matemáticas máis coñecidas.
• A maioría dos matemáticos máis relevantes da historia dedicábanse a outras disciplinas como a filosofía, a astronomía e a física, como Pitágoras, René Descartes e María Gaetana Agnesi, entre outros.
• A persoa considerada máis importante na historia das matemáticas é unha muller: Emmy Noether, coñecida polas súas contribucións de fundamental importancia nos campos da física teórica e a álxebra abstracta, revolucionou a teoría de aneis, a teoría de corpos e a de K-álxebras.