A alcaldesa da Coruña, Inés Rey, presentou este luns a programación das Festas de María Pita 2026, que volverán converter a cidade no "gran escenario cultural e festivo de Galicia" durante os meses de xullo e agosto. Rey estivo acompañada polo autor do cartel, o artista coruñés Correa Corredoira, a artista Mercedes Peón e o concelleiro de Cultura e Turismo, Gonzalo Castro.

No cartel deste ano o artista coruñés Correa Corredoira representa a cidade e os seus elementos máis característicos nunha peza exclusiva. "Un creador cunha traxectoria sólida e unha linguaxe propia, que sitúa a súa obra entre a tradición e a modernidade, e que nos entrega unha peza única, con personalidade e forza, á altura do que representan estas festas", indicou Inés Rey. Por outra banda, a pregoeira destas festas, Lucía Veiga, non puido asistir pero deixou un vídeo sinalando a importancia que ten para ela abrir os festexos da súa cidade. "Máis alá da súa carreira como actriz e humorista, é todo un referente por asumir a responsabilidade de dirixir ao sector audiovisual galego desde o pasado ano", indicou Rey.

"Apostamos por unha programación, ampla, diversa e de calidade, que encherá a cidade de actividade todos os días do mes", sinalou a rexedora. A programación arrincará xa a mediados de xullo co Festival Manicómicos e estenderase ata finais de agosto, combinando música en directo, cultura popular, artes escénicas e propostas familiares en distintos barrios da cidade.

A praza de María Pita volverá ser o gran escenario das festas, coa celebración das Noites de María Pita, que contarán cun cartel variado e con artistas de primeiro nivel. O ciclo abrirase o 1 de agosto con Luz Casal, tras o pregón de Lucía Veiga, e contará tamén coas actuacións de Mercedes Peón (2 de agosto), La Delio Valdez (3 de agosto) e o macroevento Los40 Summer Live (4 de agosto), con artistas como DePol, Enol ou Chema Rivas. Tras o paréntese do Noroeste, o programa musical continuará con Ginebras (9 de agosto), o espectáculo familiar 'O Libro da Selva' (10 de agosto), The Rapants (11 de agosto), a actuación da orquestra Los Satélites coincidindo coa eclipse (12 de agosto) e o concerto de Fillas de Cassandra (13 de agosto). Pechará o ciclo Israel Fernández o 15 de agosto. Ademais, o Teatro Colón acollerá o 9 de agosto o espectáculo "As Time Goes By", homenaxe a Frank Sinatra a cargo de Borja Quiza.

"Incorporamos unha ampla variedade de artistas e xéneros, cunha selección que mantén unha forte identidade e que cumpre coa principal premisa destas festas: que todos os públicos teñan a ocasión de pasalo ben", destacou Inés Rey.

Grandes citas consolidadas do verán coruñés

Xunto ás Noites de María Pita, o programa volve incorporar grandes citas xa consolidadas. O Festival Noroeste Estrella Galicia celebrará unha nova edición do 5 ao 8 de agosto, acompañado do Noroestiño entre o 6 e o 9, reforzando o papel da cidade como referente musical estatal. Entre o 5 e o 9 de agosto terá lugar tamén o Certame de Habaneras, que levará a música coral ao Teatro Colón e á praza de María Pita. Outro dos momentos máis esperados será a Batalla Naval, o 14 de agosto, unha das citas máis multitudinarias das festas.

A Semana Clásica volverá a ser outro dos eixos centrais dos festexos, do 18 ao 23 de agosto na praza de María Pita. As principais formacións musicais da cidade integran o programa, con actuacións pensadas especialmente para esta data e colaboracións especiais. Actuarán Orquestra Gaos (18 de agosto), Orquestra de Cámara Galega (19 de agosto), Xove Orquestra Sinfónica de Galicia (21 de agosto), Orquestra Sinfónica de Galicia (22 de agosto) e Banda Municipal de Música da Coruña (23 de agosto).

O Festival Internacional de Folclore desenvolverase entre o 12 e o 16 de agosto no Campo da Leña e María Pita, mentres que o público familiar poderá gozar do ciclo Cascarillarte, con programación nos barrios do 10 ao 28 de agosto.

O programa complétase cunha ampla oferta musical e cultural, como Lembranza Rock e o Festival de Electrónica Coruñés (14 e 15 de agosto). Na recta final, Santa Margarida volverá ser escenario destacado co festival BeatOut (20 a 22 de agosto), o ciclo As Noites do Parque, con Judeline e Valeria Castro (26 e 27 de agosto), e coa tradicional Romaría de Santa Margarida, do 28 ao 30 de agosto, que porá o broche final ás festas.

A programación complétase coas festas de barrio e múltiples actividades culturais ao longo de todo o mes, consolidando unas festas abertas, participativas e descentralizadas.

PROGRAMA DAS FESTAS DE MARÍA PITA 2026

FESTIVAL MANICÓMICOS

16.07.2026 - Paseo das Pontes

• 12:30 h - Atípico Circo / Circo en familia
• 18:00 h - Circo Psikario / ¡Qué disparate!
• 20:00 h - Andrea Ríos Cía. / Morpha
• 22:00 h - Roi Borrallas / Solo

17.07.2026 - Campo da Leña

• 12:30 h - Cía. Muu / Crunch 2!
• 18:00 h - Abraham Arzate / El rompe récords
• 20:00 h - Koilara Teatro / La llegada
• 22:00 h - Always Drinking Marching Band / La calle es nuestra

18.07.2026 - Praza Pablo Iglesias

• 12:30 h - Mina Clown / Deja que salga el sol
• 18:00 h - Mundo Costrini / The Crazy Mozarts
• 20:00 h - Paco Panjabi / Profesor de Yoga
• 22:00 h - Cía. Seon / Infinit

19.07.2026 - Santa Margarida

Exterior Casa das Ciencias

• 12:30 h - Cía Soa / Coa cabeza nas nubes

Anfiteatro

• 19:00 h - Gala 25 aniversario

NOITES DE MARÍA PITA

• 01.08.2026 - Luz Casal
• 02.08.2026 - Mercedes Peón
• 03.08.2026 - La Delio Valdez
• 04.08.2026 - Los40 Summer Live (DePol, Lola Tuduri, Enol, La Beba, Cesar AC, Adexe y Nau, AWI/AWY, Chiara Oliver, Pikete, Daniela Blasco, Chema Rivas)
• 09.08.2026 - Ginebras
• 09.08.2026 - As Time Goes By (Borja Quiza, Teatro Colón)
• 10.08.2026 - O Libro da Selva (infantil)
• 11.08.2026 - The Rapants
• 12.08.2026 - Los Satélites
• 13.08.2026 - Fillas de Cassandra
• 15.08.2026 - Israel Fernández

FESTIVAL NOROESTE ESTRELLA GALICIA

5 ao 8 de agosto

• Echo & The Bunnymen, Bongeziwe Mabaldla, Mari Froes, Bala, SES, Catuxa Salom e moitos máis por anunciar.
• Noroestiño: 6 ao 9 de agosto (Xardíns de Méndez Núñez)

CERTAME DE HABANERAS

05.08.2026 - Teatro Colón

19:30 h Presentación

• Ludus Tonalis
• Sporting Club Casino
• Grupo Entrelas
• Coral Polifónica El Eco

06.08.2026 - Teatro Colón

19:30 h Presentación

• Coral La Antigüa
• Coral Pontis Veteris
• Coral Sancta María Maris
• Coral Sagrada Familia

07.08.2026 - Praza de María Pita

19:30 h Presentación

• Orfeón herculino
• Coral Lembranzas de Santa Cruz
• Polifónica coruñesa Canticorum
• Tuna de veteranos

08.08.2026 - Praza de María Pita

19:30 h Presentación

• Coral polifónica Ferrolana
• El acorde secreto
• Coral Polifónica Follas Novas

09.08.2026 - Campo da Leña

19:30 h Presentación

• Coral Os Mallos
• Coral Montealto
• Corales Monelos y San Diego
• Coral Feáns

VIÑETAS DESDE O ATLÁNTICO

Do 10 ao 16 de agosto.

BATALLA NAVAL

14.08.2026

FESTIVAL INTERNACIONAL DE FOLCLORE

• 12.08.2026 - Campo da Leña
• 13.08.2026 - Campo da Leña
• 14.08.2026 - Praza de María Pita
• 15.08.2026 - Campo da Leña
• 16.08.2026 - Praza de María Pita

CASCARILLARTE

10 ao 28 de agosto

Programación familiar con teatro, maxia, música e contos en distintos barrios

SEMANA CLÁSICA

• 18.08.2026 - Orquestra Gaos
• 19.08.2026 - Orquestra de Cámara de Galicia
• 21.08.2026 - Xoven Orquestra Sinfónica de Galicia
• 22.08.2026 - Orquestra Sinfónica de Galicia
• 23.08.2026 - Banda Municipal de Música

ROMARÍA DE SANTA MARGARIDA

28, 29 e 30.08.2026

FESTAS DE BARRIO

• 14-16.08.2026 - A Gaiteira
• 18.08.2026 - Festa da Fresa (Eirís)
• 19-21.08.2026 - Castrillón (inclúe Festival Rock&Roll Star o día 20, con Javier Andreu, de La Frontera, Javier Ojeda, de Danza Invisible e Manuel España, de La Guardia)
• 21-23.08.2026 - Sagrada Familia
• 22.08.2026 - Pedralonga

OUTROS FESTIVAIS

• Lembranza Rock - 14 e 15.08.2026 (Parque Europa)
• Festival de Electrónica Coruñés - 14 e 15.08.2026 (Santa Margarida)
• BeatOut - 20, 21 e 22.08.2026 (Santa Margarida)
• As Noites do Parque - Judeline (26.08.2026) e Valeria Castro (27.08.2026)