Que pasa cando o gran heroe castelán é desterrado por ter máis followers e likes en Instagram que o propio Rei Afonso? Pois que acaba sufrindo o maior choque cultural da súa vida nas nosas terras galegas.Acostumado ás batallas épicas, á nobreza e á vida de palacio, o noso protagonista terá que enfrontarse a retos para os que a súa espada non lle servirá de absolutamente nada.

Unha viaxe chea de malentendidos lingüísticos, peculiares encontros gastronómicos e un duro proceso de "integración" no que terá que lidiar con visitas inesperadas da corte que chegan fuxindo da chuvia e esixindo wifi no medio do rural.

Unha comedia divertidísima onde o épico e o cotián chocan de fronte, e onde vos aseguramos que nada sae como din os libros de historia.