O Grupo Municipal Socialista ven de rexistrar unha moción para o seu debate e aprobación no próximo pleno de novembro con medidas para loitar contra a vaga de lunes que asolou Galicia na pasada fin de semana. Nesta iniciativa, os socialistas exiximos á Xunta de Galicia accións concretas para evitar que se repitan os feitos, toda vez que quedou acreditado que a política de extinción de incendios do gobernó galego foi errática e chea de bandazos.

O acontecido é unha nova desgracia para Galicia, para a súa riqueza medioambiental, social, vital, económica; una desgracia que se torna terrible por la perda de catro vidas.

A situación vivida nos últimos días por numerosos concellos de Galicia é inasumible: sobrepasados polo lume e a falta de medios; unha deficiente coordinación de servizos por parte da Xunta, e a desesperación que levou a moitos veciños a loitar desprotexidos contra o lume. Por iso, os socialistas demandamos medidas de coordinación, orzamentar as políticas contraincendios e conformar un grupo de traballo para afrontar de maneira global o problema do monte galego.

MOCIÓN para aprobar as seguintes propostas a Xunta de Galicia:

• Conformar un grupo de traballo plural, que conte coa participación das forzas políticas, de todos os niveis da Administración, forzas e corpos de seguridade e membros dos equipos de extinción, expertos profesionais e académicos, que afronten de maneira global o problema do monte galego e a existencia reiterada de incendios e vagas de lumes.

• Cuantificación dos danos causados polo lume en Galicia no 2017.

• Poñer en marcha por parte da Xunta de Galicia as medidas necesarias para evitar a erosión e deterioro dos montes queimados, evitando tanto a súa degradación como a contaminación de cauces e manantiais.

• Dotar as medidas anteriores con orzamentos suficientes por parte da Xunta para poder levar adiante as citadas medidas.

• Solicitar aos grupos políticos representados no Parlamento de Galicia a que se comprometan de maneira unánime a apoiar un investimento sostido e continuado dun aumento das partidas orzamentarias destinadas á prevención dos lumes no monte que sexan suficientes para consolidar unha Estratexia galega contra os incendios.