Na actualidade son xa centos os mozos que visitan as estacións dentro do programa "O aire que nos rodea" e que a partir de agora verán reforzada a súa formación con esta actuación.

As estacións cumprirán deste modo un dobre obxectivo: o de recadar información sobre a calidade do aire da cidade e o de ser puntos de divulgación ambiental do noso municipio.

A medida directa da calidade do aire está garantida coa posta en marcha de Rede Municipal de Vixilancia da Calidade do Aire, que conta con estacións no parque de Santa Margarida e na praza Pablo Iglesias, que complementará a que xa dispón a Xunta de Galicia.

As características fundamentais destas estacións son as seguintes:

1. Estación de Santa Margarida: Trátase dunha estación de fondo urbano con influencia de tráfico, na que se analizan óxidos de xofre, óxidos de nitróxeno, ozono, partículas PM10, PM2.5 e PM1, monóxido de carbono e parámetros meteorolóxicos (velocidade e dirección do vento, temperatura, presión barométrica, radiación solar e pluviometría) e ruído.
2. Estación de Pablo Iglesias : Estación de fondo urbano con influencia industrial (Porto da Coruña) na que se miden idénticos parámetros que na de Santa Margarida, ademais de hidrocarburos BTX.