O proxecto ten como principal finalidade renovar o pavimento degradado da plataforma de Riazor, que presenta danos polos vehículos de carga e descarga que empregan esta vía peonil. Así, preténdese a reposición de 1.749,20 metros cadrados de pavimento con formigón de 15 centímetros de espesor.

As empresas interesadas en acometer esta actuación teñen un prazo dun mes para presentar as súas ofertas.

Desta maneira, o goberno municipal continúa o plan de renovación de rúas  e vías da cidade, co fin de mellorar as zonas de tránsito, tanto para vehículos como para peóns. Así mesmo, esta actuación permite ofrecer unha mellor imaxe deste espazo tan empregado polos cidadáns e que dá acceso á praia de Riazor.