O Concello puxo en marcha unha nova campaña para eliminar os niños de gaivotas na cidade e, con iso, eliminar os problemas que implica a presenza destes animais. Ata o momento, a empresa encargada retirou xa, nos Novos Ministerios e na Cidade Vella, os primeiros niños e ovos, cuxo destino foi o colector de residuos orgánicos.

O pasado ano visitáronse 700 tellados e retiráronse 900 niños. As previsións apuntan a que este ano haberá máis traballo.

Na cidade residen 750 parellas de gaivotas, segundo o último censo, realizado hai dous anos. Dende que no 2000 se comezou a traballar de forma continuada nos tellados, ese número reduciuse nun 54%.

Para controlar a colonia é imprescindible a colaboración cidadá. Este ano, o 010 recibiu por agora máis de 350 chamadas de cidadáns que cren que as gaivotas están criando no seus tellados. Locus Avis responde aos interesados en menos de 48 horas. O seguinte paso é unha cita. O servizo é gratuíto e estará operativo ata agosto.