Os cinceiros, con forma de cono e de cor azul, son fáciles de transportar e están fabricados en polipropileno reciclable, non tóxico e libre de cloro e chumbo. As 15.000 unidades que se lles entregarán aos bañistas nas praias de Riazor, Orzán, Matadoiro, As Lapas, San Amaro e Oza conteñen dúas mensaxes: "Fumar prexudica a saúde", e "As cabichas prexudican as praias".

A Concellería de Medio Ambiente xa emprendeu esta iniciativa o pasado verán, co obxectivo de concienciar os bañistas da necesidade de non tirar as cabichas na area, favorecendo o coidado e a limpeza das praias.