As asociacións sen ánimo de lucro, legalmente constituídas e inscritas no Rexistro Galego de Asociacións para a Protección e Defensa dos Animais de Compañía, con anterioridade ao 21.01.2025, poderán ser beneficiarias destas axudas para actuacións encamiñadas á protección dos animais domésticos de compañía abandonados en Galicia.

Con elas poderán cubrir distintos gastos subvencionables, sempre que fosen efectivamente realizados entre o 1 de setembro de 2024 e o 31 de agosto de 2025.

As bases desta convocatoria, en réxime de concorrencia competitiva, publicáronse o 21 de xaneiro de 2025 no Diario Oficial de Galicia (boletín núm. 13) e nelas establécense todos os requisitos de participación que deberán cumprir os colectivos interesados.

As axudas pódense solicitar desde o día seguinte ao da devandita publicación ata o próximo 12 de setembro, a través da sede electrónica da Xunta de Galicia (procedemento MT811B).