O Servizo de Medio Ambiente lémbralles aos posuidores de animais en relación cos lugares e horario de depósito das dexeccións de animais que, de acordo co artigo 91 da Ordenanza de xestión de residuos municipais e limpeza viaria e o artigo 16.4 da Ordenanza reguladora para a protección e tenza de animais:

1.- As dexeccións dos animais débense recoller en bolsas impermeables de forma inmediata, tras producirse.

2.- A continuación depositaranse nos colectores de fracción orgánica.

3.- En ningún caso poden depositarse en papeleiras nin nas entradas de rede de sumidoiros.

Estas normas constitúen unha excepción á regra xeral de horario de depósito de residuos contida no art. 23 da Ordenanza de xestión de residuos municipais, polo que o depósito das dexeccións dos animais nos colectores de fracción orgánica, en bolsas impermeables e pechadas é posible realizalas en calquera momento do día, sen suxeición ao horario xeral establecido no citado artigo.