Morgan Holzen, bibliotecaria da New York Public Library, quería animar a xente a participar nas redes sociais da biblioteca e pensou en incorporar libros nas súas publicacións. Inspirada nunha iniciativa anterior, Sleeveface, que usaba portadas de discos para reemprazar caras, pensou en facer o mesmo pero con libros.

As bibliotecas collemos a súa idea e convidámosvos a participar promovendo a lectura en galego.

Como participar?

• Síguenos no Instagram @bibcoruna
• Sube a túa foto e usa os hashtags #bookfaceBMC  e  #AgoraSonunLibro e etiquétanos,
• Envíanos esa mesma foto, xunto co teu nome, apelidos e teléfono de contacto a bibliotecas@coruna.es

Que consigo por participar?

• As 5 fotografías con máis "Gústame" en Instagram gañarán 2 entradas cada unha para o concerto do AgoraSón 2017 do 20 de outubro.

Elixe un libro en galego, convérteo na túa cara e sube a fotografía ao Instagram. Non esperes máis!