Uso de cookies nas páxinas web do Concello de A Coruña

Nas páxinas web municipais utilizamos cookies propias e de terceiros para mellorar os nosos servizos mediante o análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso"..

Bibliotecas Municipais

Como inscribirme nas actividades das bibliotecas

Podes realizar a inscrición nas actividades das bibliotecas de diversas formas, sempre que sexa dentro do prazo de inscrición estipulado para cada actividade:

  • acudindo presencialmente á túa biblioteca, e farémolo por ti;
  • chamando por teléfono, e farémolo por ti;
  • facéndoo ti mesmo/a a través de internet, creando previamente o teu perfil na plataforma Smart City.

Todas as inscricións nas actividades das bibliotecas comezan 7 días antes da actividade ás 10.00 horas, e finalizan unha hora antes da súa realización. Se cae en día festivo, a inscrición comezará o seguinte día hábil á mesma hora.

Queres realizar a inscrición por ti mesmo/a?

Explicámosche como podes facelo nuns sinxelos pasos. Sen moverte da casa ou desde a rúa. Desde o teu smartphone ou desde o ordenador da túa casa. Ti elixes.

O botón "inscríbete"

Cada actividade, no momento en que se inicie o prazo de inscrición, habilita un botón co texto "Inscríbete" no que verás as prazas libres e as prazas dispoñibles en lista de espera.

O primeiro paso é premer sobre o botón e, logo, seleccionar o número de inscricións que queres realizar. Neste momento o sistema realizará unha prerreserva sobre o número de prazas que selecciones mentres dura o teu proceso de inscrición. Transcorridos 15 minutos, se non finalizaches a inscrición, estas prazas volverán estar dispoñibles.

Unha vez feito isto, o sistema redirixirate á Plataforma Smart City.

A plataforma Smart City

A primeira vez que realices unha inscrición nalgunha das actividades, o sistema necesitará que te deas de alta na Plataforma Smart City cubrindo uns datos básicos ou, se o prefires, vinculando a túa conta de Facebook, Google ou LinkedIn.

Dándote de alta ou vinculando unha das túas contas, conseguirás que nas sucesivas ocasións só necesites introducir o teu usuario e contrasinal e o sistema lembrará todos os teus datos e, polo tanto, non terás que volver introducilos.

Unha vez que te logueas, a plataforma redirixirate automaticamente ao proceso de inscrición na actividade onde soamente terás que completar a información que che solicite.

Inscríbeste ti ou inscribes outra persoa?

Usando o teu usuario e contrasinal podes inscribirte ti ou inscribir outra persoa. Neste caso, necesitarás introducir os datos básicos desoutra persoa.

O sistema vai lembrar sempre os datos de todas as persoas que inscribas, de forma que nunca vas ter que introducir a mesma información dúas veces.

Unha vez finalizada a inscrición, o sistema enviarache un correo electrónico confirmando se estás admitido/a ou en lista de espera. Incluirá tamén información das persoas que inscribises e unha ligazón para darte de baixa se non vas acudir.

Por favor, se non vas acudir ás actividades agradecémosche que recuperes o correo que recibiches para efectuar a túa baixa, porque isto permitirá que o sistema avise a primeira persoa da lista de espera de que agora ten praza.

Algúns consellos

Se ao intentar realizar unha inscrición ves que só quedan prazas para a lista de espera, anótate igualmente porque é frecuente que se produzan baixas, e nese caso pasarás automaticamente á lista de persoas admitidas.

Intenta realizar as inscricións en liña porque é o proceso máis rápido e, ás veces, as prazas voan! Pero lembra: podemos facelo por ti na biblioteca.

Se te inscribiches nunha actividade e non vas acudir, utiliza a ligazón que che enviamos para darte de baixa. Así, outras persoas poderán gozar da actividade.

Se o necesitas, non dubides en pedirlle ao teu bibliotecario ou á túa bibliotecaria que te inscriba.

Vídeo titorial de como inscribirte en liña

Busca no catálogo

Buscador de actividades

Escribe a palabra ou palabras que desexas buscar

Se o prefires, podes realizar a túa procura combinando distintos criterios. Só tes que acceder á procura avanzada

  • Concello da Coruña
    • Ayuntamiento de A Coruña | Concello da Coruña
    • Praza de María Pita, 1. 15001 A Coruña
    • 981 184 200 ou desde dentro do termo municipal ao teléfono de atención 010
     ¦ 
    • Servizo Municipal de Bibliotecas
    • Durán Loriga 10, A Coruña
    • Chámanos / Luns a Venres: 9-21 h.
Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Safari e Microsoft Internet Explorer 10 ou superior. Instalar agora un navegador compatible

?