Uso de cookies nas páxinas web do Concello de A Coruña

Nas páxinas web municipais utilizamos cookies propias e de terceiros para mellorar os nosos servizos mediante o análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso"..

Bibliotecas Municipais

Libros vivintes

Tipo de actividade:

Programas de colaboración con centros escolares

A quen vai dirixido?:

Educador / Centro escolar

Require inscrición

De outubro a maio. Consulta o calendario

En que consisten os Libros vivintes?

Libros vivintes é unha iniciativa da Biblioteca Ágora pensada para dar a coñecer ao alumnado dos centros de secundaria da contorna as historias de vida de veciños e veciñas seus, a partir das que podemos reforzar o traballo en valores e o desenvolvemento persoal de mozos e mozas dentro e fóra das aulas.

O procedemento de traballo é simple. Facemos unha selección previa de diferentes persoas da Coruña, gravamos as súas historias de vida e dámoslle forma de relato a parte desa historia e trasladamoslles os resultados aos alumnos e alumnas dos IES participantes.

Son eles quen escollen individualmente cal das historias queren coñecer, que Libro vivinte queren descubrir, para o que nunha data determinada facilitamos o encontro entre persoas protagonistas de cada relato e os/as mozos/as que os leron.

Deste xeito, os Libros vivintes preséntanse como un método innovador para promover o diálogo, reducir os prexuízos, fomentar o entendemento entre as persoas e promover o intercambio de historias que, noutras circunstancias, non se poderían compartir.

As principais características do proxecto son a súa simplicidade e enfoque positivo.

Obxectivos

Traballar a autoestima e a cohesión social desde a valorización do propio, da propia contorna diaria e da súa xente.

Romper estereotipos, desafiando dalgunha maneira os prexuízos máis comúns dun modo positivo e desenfadado.

Promover a tolerancia e a comprensión dunha forma concreta, sinxela e alcanzable.

Crear unha oportunidade para manter un diálogo entre persoas con visións e realidades diferentes da sociedade e así intercambiar opinións e aprender dos demais.

Cando?

Celébranse dúas edicións, durante o curso escolar: en febreiro e en maio. En cada unha delas trabállanse tres libros vivintes diferentes.

Como participar?

Libros Vivintes desenvolveuse ata o momento en colaboración co IES Agra do Orzán, pero é unha proposta aberta á súa realización con calquera centro de ensino da Coruña e mesmo doutros concellos.

Para valorar a posibilidade da súa realización con novos centros educativos simplemente hai que poñerse en contacto coa Biblioteca Ágora.

Onde?

Biblioteca Ágora

Últimos post de Libros viventes no blogue Suma Ágora

Para ter en conta

No transcurso de todas as actividades o persoal bibliotecario realiza fotografías co único obxectivo de subilas logo aos escaparates virtuais, redes sociais e/ou incluílas en carteis ou guías nos que se publicitan os programas, actividades e servizos das bibliotecas.

Se non desexas saír nestas fotografías, por favor, fala connosco antes do inicio da actividade.

Próximo recital

  • Poetas di(n)versos: Víctor Rodríguez Núñez e Xiana Arias

    Cando:

    26/11/2018

    Inscricións:

    Entrada libre ata completar a capacidade

    Horario:

    20.30h

    Enderezo:

    Centro Ágora. Lugar da Gramela 17. 15010 A Coruña

Buscador de actividades

Escribe a palabra ou palabras que desexas buscar:

Se o prefires, combina distintos criterios na procura avanzada ou busca nun calendario

  • Concello da Coruña
    • Ayuntamiento de A Coruña | Concello da Coruña
    • Praza de María Pita, 1. 15001 A Coruña
    • 981 184 200 ou desde dentro do termo municipal ao teléfono de atención 010
     ¦ 
    • Servizo Municipal de Bibliotecas
    • Durán Loriga 10, A Coruña
    • Chámanos / Luns a Venres: 9-21 h.
Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Safari e Microsoft Internet Explorer 10 ou superior. Instalar agora un navegador compatible

?