O recoñecemento da obriga a favor de BCNecología e o aboamento da achega municipal realizaranse unha vez efectuada a xustificación nos termos establecidos no presente convenio. Producirase a perda de dereito ao cobro total ou parcial da achega no suposto de falta de xustificación ou de concorrencia dalgunha das causas previstas no art. 37 da LGS.

Con todo, tras o primeiro trimestre, poderase autorizar o anticipo da achega de ata a metade do importe total (50.000,00 €) logo da solicitude previa expresa realizada por BCNecología, xustificando o gasto realizado durante o trimestre correspondente.

Antes do vencemento da vixencia do convenio BCNecología poñerá a disposición do Concello a parte do estudo que profunde nun proxecto de transporte para A Coruña e a súa área metropolitana buscando aumentar a eficiencia da rede de transporte público, mantendo ou aumentando a cobertura da rede, co desenvolvemento de indicadores das melloras da rede, estudo dunha posible implantación e seguimento, así como o apoio dun plan participativo do Concello.