O presente convenio ten por obxecto contribuír á execución de talleres de motivación para a procura de emprego a través de ferramentas innovadoras, dirixidos aos colectivos con máis dificultades de inserción laboral que pretende realizar a entidade Ecos do Sur.

As actividades que teñen cabida neste convenio van dirixidas a persoas en situación de vulnerabilidade social, especialmente persoas de orixe estranxeira, priorizando a participación das mulleres pola discriminación de orixe, xénero e económica a que están expostas. Estas actividades desenvolveranse entre o 1 de xaneiro e o 31 de decembro de 2019.

O programa persegue cumprir tres funciones fundamentais para a persoa:

•  Cubrir as necesidades de subsistencia máis básicas (función económica)
•  Dar cobertura á necesidade persoal de colaboración e relación (función social)
•  Cubrir as necesidades de crear, de desenvolver e de autorrealización (función psicolóxica)