O presente convenio ten por obxecto establecer as bases de colaboración económica entre o Concello da Coruña e a Unión de Cooperativas Espazocoop co fin de contribuír ao desenvolvemento de programas para o emprendemento empresarial mediante a execución de catro actividades dirixidas ao fomento do emprendemento e á creación de emprego desde a economía social que pretende realizar UNIÓN DE COOPERATIVAS ESPAZOCOOP.

O programa ten como principais obxectivos:

· Divulgar e difundir as posibilidades que ofrecen as fórmulas de economía social.

· Xerar novos postos de traballo de calidade vinculados á economía social.

· Impulsar novos proxectos empresariais que teñan como base a persoa e as relacións democráticas e participativas.

Con estes obxectivos UNIÓN DE COOPERATIVAS ESPAZOCOOP procederá ao desenvolvemento e execución das catro actividades dirixidas ao fomento do emprendemento e á creación de emprego desde a economía social obxecto deste convenio.

As actividades que teñen cabida neste convenio, que van dirixidas a distintos colectivos e desenvolveranse entre o 1 de xaneiro e o 31 de decembro de 2018, son:

· 1 seminario de difusión do cooperativismo e a economía social no campo educativo, dirixidos ao fomento do autoemprego cooperativo en centros de ensino secundario e formación profesional: "E ti, coñeces a fórmula?" de 3 horas de duración, máis 2 horas de preparación desta formación. Ademais supón 5 horas de traballos de coordinación, difusión e captación de centros participantes seminarios modulares de formación en cooperativismo e economía social, en itinerarios de inserción para o emprego, en entidades especializadas nas áreas de inserción laboral da cidade da Coruña, de 4 horas de formación, máis 2 horas de preparación por cada seminario. A realización destes seminarios implican 4,5 horas de traballos de coordinación, difusión das actividades do programa a través de mailing, chamadas telefónicas e entrevistas persoais.

· Seminarios modulares de formación en cooperativismo e economía social, en itinerarios de inserción para o emprego, en entidades especializadas, modalidade II, 3 horas de reunións con dúas entidades potencialmente interesadas na realización desta actividade.

· Seminarios de formación e acompañamento para a creación de emprego a través do cooperativismo e a economía social, que consisten no asesoramento a persoas participantes en grupos promotores de empresas de economía social, achegándolles información, formación, asesoramento e acompañamento: 69,875 horas.

As tarefas de coordinación complementan e son necesarias para o desenvolvemento da formación e acompañamento de persoas emprendedoras son:

· programación e coordinación das actividades

· preparación de contido e materiais didácticos

· publicidade e divulgación das actividades

· proceso de difusión, captación, inscrición, selección e confirmación de solicitudes

· instalación e medios materiais

· desprazamentos

· seguimento e avaliación das actividades

· informe de execución e avaliación