O presente convenio ten por obxecto contribuír á execución dun "Programa de Axentes de Innovación" que pretende realizar a FUAC. As actividades que teñen cabida neste convenio, que van dirixidas a promover a inserción laboral de persoas con titulación superior no ámbito da innovación, desenvolveranse entre o 1 de xaneiro e o 31 de decembro de 2017.

O principal obxectivo do programa é promover a inserción de persoas con titulación superior no ámbito da innovación, de maneira que ademais se facilite o desenvolvemento socioeconómico da cidade da Coruña, a través da innovación empresarial.

Ademais é obxecto do programa informar e asesorar de maneira individualizada as empresas coruñesas para potenciar elementos cun alto valor engadido, que faciliten sistemas de innovación aberta ás organizacións que queren innovar e non saben como facelo.

Para iso, deberase definir o modelo de innovación que mellor encaixe en cada empresa, co obxecto de impulsar o seu crecemento e competitividade, así como a súa capacidade de xerar novos postos de traballo.

O alumnado participante no programa percibirá unha bolsa de prácticas formativas non laborais nas empresas.