A Xunta de Goberno Local, en sesión ordinaria celebrada o 18 de marzo de 2026, acordou por unanimidade iniciar o procedemento de declaración da parcela do POL-1 do API S37, sito na Avenida da Pasaxe, Lugar Pedro Fernández, como Zona de Situación Acústica Especial (ZSAE), de conformidade co disposto nos artigos 20 e 26 da Lei 37/2003, de 17 de novembro, do Ruído, á vista do informe emitido en data 20 de febreiro do 2026 polo xefe de Departamento de Actividade Industrial, para a aplicación das medidas correctoras propostas no devandito informe co obxectivo de mellorar a calidade acústica da zona e conseguir o cumprimento dos OCA correspondentes ao espazo interior.

Na mesma sesión acordouse abrir un período de información pública e audiencia ás persoas e colectivos potencialmente interesados por un prazo de 30 días hábiles, computados a partir do día seguinte ao de publicación desta Resolución no BOP da Coruña (núm. 56 de 25.03.2026) e no Sistema de Información Ambiental Municipal.

Para tal fin poderán examinar o texto da declaración a través da web do Servizo de Medio Ambiente ( Descargas documentos e informes ambientais )*.

As alegacións e propostas poderán presentarse en calquera dos rexistros previstos no artigo 16.4 da Lei 39/2015, de 1 de outubro , reguladora do procedemento administrativo común das Administracións públicas.

Finalizado o período de información pública e o trámite de audiencia, e tras os informes técnicos municipais que procedan, a Xunta de Goberno Local acordará a aprobación definitiva.

O acordo de declaración de Zona de Situación Acústica Especial publicarase no BOP e no Sistema de Información Ambiental Municipal, e entrará en vigor ao día seguinte ao da publicación.

Poderase consultar o texto íntegro do documento sometido a información pública tamén no taboleiro de edictos do Concello da Coruña.

*Sección Calidade Ambiental - Ruído.