O artigo 133 da Lei 39/2015, do 1 de outubro, do procedemento administrativo común das administracións públicas, fai referencia á participación da cidadanía no procedemento de elaboración das normas con rango de lei e regulamentos. No seu apartado primeiro establece: "Con carácter previo á elaboración do proxecto ou anteproxecto de lei ou de regulamento, substanciarase unha consulta pública".

Por conseguinte, a cidadanía poderá achegar as súas suxestións respecto da nova normativa municipal que se prevé aprobar a través deste formulario habilitado na sede electrónica municipal, para o que disporá dun prazo entre o 3 e o 14 de novembro de 2025, ambos incluídos.

Achégase como Anexo a este Anuncio o informe proposta no que se detallan os antecedentes e fundamentos xurídicos, así como o proxecto de Regulamento que se pretende aprobar.