O presente convenio ten por obxecto o desenvolvemento de campañas e iniciativas formativas de sensibilización e de visibilidade de dereito ao uso do espazo público de colectivos que fan uso de diferentes tipos de mobilidade branda e non contaminante, como o colectivo de persoas patinadoras.

O obxecto do convenio concretarase no desenvolvemento de actividades, accións e plans de actuación para realizar entre o 1 de xaneiro ata o 31 de decembro de 2018, especialmente relacionados con:

1. Transmitir as posibilidades que ofrecen os patíns á hora de desprazarse pola cidade.
2. Traballar na creación de relacións sociais entre persoas que compartan a mesma afección.
3. Establecer lazos de colaboración interxeneracional.
4. Alentar o uso do patín como alternativa a outros medios de transporte sustentables como a bici e cambiar a mentalidade tradicional de saír a patinar.
5. Colaborar coas autoridades locais en dar a coñecer as rutas en patíns e a suxeición á normativa das actividades.
6. Transmitir imaxe de grupo cunha pauta de conduta común cívica e respectuosa co resto de cidadanía