UDC e CONCELLO, comprométense a cooperar conxuntamente mediante a realización de diferentes actuacións, programas ou actividades, para o que se define o seguinte marco programático mediante liñas de actuación sectorial e transversal:

- Liña de actuación 1: Transporte e Mobilidade Urbana

- Liña de actuación 2: Reordenación do espazo urbano

- Liña de actuación 3: Mellora das infraestruturas e eliminación de barreiras arquitectónicas

- Liña de actuación 4: Educación e xestión ambiental

-Liña de actuación 5: Coruña Inclusiva

-Liña de actuación 6: Valores democráticos, recuperación e divulgación da memoria colectiva.

-Liña de actuación 7: Hábitos saudables e fomento da práctica deportiva.

As actuacións, programas ou actividades a desenvolver en cada unha das liñas de actuación definidas, concretaranse e desenvolveranse de acordo aos ANEXOS que acompañan ao presente convenio, formando parte deste, e nos que se recollerán as singularidades e especificacións previstas para cada unha das actuacións financiadas.