O presente convenio ten por obxecto establecer as bases de colaboración técnica e económica entre Concello da Coruña e Adega para levar a cabo/realizar a actividade/proxecto "Actividades de protección ambiental: residuos, ríos, especies invasoras, custodia do territorio", consistente na realización de seis limpezas ecolóxicas en dous ecosistemas litorais no concello da Coruña, e a realización dunha xornada formativa sobre limpezas ecolóxicas.

As actividades que teñen cabida neste convenio desenvolveranse entre os meses de setembro e decembro de 2022, facendo coincidir algunha das limpezas de praias co Día mundial das praias -17 de setembro-, e algunha das limpezas de ríos coa "Limpeza Simultánea de Ríos" -25 de setembro-. A xornada formativa levarase a cabo en novembro, coincidindo coa Semana Europea de Prevención de Residuos.