O presente convenio ten por obxecto establecer as bases de colaboración técnica e económica entre o Concello da Coruña e Saúde Mental FEAFES Galicia para levar a cabo o desenvolvemento dun proxecto de prospección e inserción laboral de persoas con enfermidades mentais.

As actividades que teñen cabida neste convenio, que van dirixidas a 60 persoas con problemas de saúde mental que están en situación de iniciar unha procura activa de emprego para acceder ao mercado laboral, desenvolveranse entre o 1 de xaneiro e o 31 de decembro de 2020.

O proxecto persegue os seguintes obxectivos e características:

* Aumentar a empleabilidad das 60 persoas participantes con problemas de saúde mental.

* Identificar e desenvolver o perfil profesional, partindo da experiencia laboral e formación propia, así como das habilidades, coñecementos e experiencias persoais e profesionais e dirixir o proceso de capacitación.

* Formar usuarios capaces de localizar, identificar e empregar as fontes de información laboral.

*Formar usuarios capaces de elaborar o seu currículo vitae e redactar cartas de presentación.

* Ensinar aos usuarios o manexo de entrevistas laborais.

* Formar individualmente usuarios en áreas específicas (competencias básicas, técnicas ou profesionais) que lles capaciten para o desempeño dunha ocupación e/ou para actualizar ou reconverter o seu perfil profesional.

* Seguimento e apoio nas accións formativas que os demandantes leven a cabo coa finalidade de favorecer o seu mantemento e obtención de resultados positivos.

* Captar ofertas de emprego axustadas aos perfís dos demandantes.

* Promover convenios de colaboración de prácticas formativas.

* Intermediar diante de posibles empleadores.

* Sensibilizar e asesorar ao tecido empresarial para a contratación de persoas con discapacidade mental e á sociedade en xeral.

* Seguimento e apoio a aquelas persoas que inicien unha actividade laboral e presenten determinadas dificultades, tratando de garantir a súa continuidade e promoción no posto de traballo.

Desenvolveranse as actuacións de acordo aos obxectivos especificados na memoria correspondente, e estarán estruturadas a través das seguintes actividades:

* Selección, estudo e valoración de candidatos.

* Información, orientación, asesoramento e apoio individualizado no proceso de inserción laboral.

* Formación transversal e prelaboral dos demandantes (individual).

* Prospección e Intermediación laboral.

* Apoio e seguimento individualizado no posto de traballo.

* Proceso de avaliación.