Poderán acceder á condición de persoa beneficiaria para os efectos da presente convocatoria, calquera persoa física ou xurídica cun novo proxecto empresarial, sexa empresaria individual ou integrada nunha sociedade civil, mercantil, laboral, cooperativa ou comunidade de bens que, ademais de cumprir os requisitos establecidos no art. 11 e 13 da Lei 38/2003, do 17 de novembro, xeral de subvencións e os fixados na base 2 cumpran tamén os seguintes, que deberán estar cumpridos con anterioridade á data da proposta de concesión da subvención e manterse ao longo de todo o prazo de execución da actividade subvencionada:

1. Constituír a empresa entre o 1 de xaneiro de 2015 e o 30 de xuño de 2017. Entenderase como data de inicio de actividade a correspondente á alta no censo de obrigados tributarios (alta definitiva), e de ser o caso referida esta a a da sociedade (declaración censal).

   Non poderán ser beneficiarias as empresas que formen parte dun grupo empresarial.

2. Os promotores non poderán desenvolver a mesma actividade ou similar (entenderase por mesma ou similar actividade a coincidencia a nivel de tres díxitos da Clasificación Nacional de Actividades Económicas) dentro dos 12 meses anteriores á data de alta da empresa obxecto da subvención.

Que teñan o domicilio social e fiscal no termo municipal da Coruña. Terase en conta para determinar o domicilio social/fiscal das persoas beneficiarias o domicilio que figure nos datos censuais.