A alcaldesa, Inés Rey García, ditou o 21 de xuño de 2023, o Decreto 4538/2023, relativo á determinación do número, denominación e ámbito de competencia das áreas de xestión da organización municipal para o mandato 2023-2027.

O dito decreto foi publicado no BOP número 121, de 27 de xuño de 2023.

No documento referido establecéronse catro grandes áreas de xestión: a área da Alcaldía, prevista no artigo 129 do Regulamento Orgánico Municipal; a área de Economía e Planificación Urbana; a área de Benestar Social, e a área de Fomento e Promoción da Cidade, coa adscrición de concelleiras/as delegados/as a cada unha das tres últimas mencionadas.