Por Decreto de Alcaldía 5749/2020 (BOP do 9 de setembro de 2020) estableceuse a composición da Xunta de Goberno Local, as suplencias da Presidencia, e o seu réxime de sesións.

Composición

Presidencia: Sra. D.ª Inés Rey García , alcaldesa

• Sr. D. Juan Ignacio Borrego Vázquez
• Sra. D.ª Eudoxia Neira Fernández
• Sra. D.ª Esther Fontán Prado
• Sra. D.ª Eva Martínez Acón
• Sr. D. José Manuel Lage Tuñas
• Sr. D. Juan Manuel Díaz Villoslada
• Sr. D. Jesús Javier Celemín Santos
• Sra. D.ª Diana Sobral Cabanas
• Sra. D.ª Mónica Martínez Lema

A persoa titular da Secretaría da XGL é o  Sr. D. Juan Manuel Díaz Villoslada , e actuarán como suplentes e por esta orde: Sra. D.ª Diana Sobral Cabanas , Sra. D.ª Eudoxia Neira Fernández e Sra. D.ª Esther Fontán Prado

Funcións e delegacións

A Xunta de Goberno Local poderá delegar nos/as tenentes de alcalde, nos demais membros da XGL, nos demais concelleiros/as, nas coordinacións xerais, direccións xerais ou órganos similares, as atribucións enumeradas no artigo 127.2 da Lei 7/85 do 2 de abril.

Ademais destas, en sesión constitutiva, extraordinaria e urxente realizada o 28 de xuño de 2019, a XGL realizou unha serie de delegación de atribucións (comúns e específicas) aos órganos directivos, que se publicaron no BOP do 3 de xullo de 2019.

Réxime de sesións

1. As sesións ordinarias terán lugar cada catorce días, os mércores ás 09.45 h.
2. En segunda convocatoria, as sesións ordinarias terán lugar o seguinte día hábil, á mesma hora.
3. Cando a sesión ordinaria, tanto en primeira como en segunda convocatoria, coincida con día inhábil, terá lugar ao día seguinte hábil á mesma hora. Se coincide coa realización do Pleno ordinario, realizarase ao día seguinte á mesma hora.
4. A alcaldesa poderá cambiar o día e a hora das sesións, así como suspendelas.
5. As deliberacións da Xunta de Goberno Local son secretas.
6. A alcaldesa poderá convocar a determinadas sesións a concelleiras e concelleiros non pertencentes á Xunta de Goberno Local, así como ás persoas titulares dos órganos directivos.
7. Entenderanse convocadas todas as sesións ordinarias coa mera remisión da orde do día, debendo ademais ser convocados/as a todas as sesións ordinarias e extraordinarias, a persoa titular da Dirección da Asesoría Xurídica, a persoa titular do órgano a que se refire ou art. 125.1 B h) do ROM, a Intervención Xeral e a Oficialía Maior.
8. Para axilizar o funcionamento da XGL, utilizaranse exclusivamente medios electrónicos para lles notificar as convocatorias a todas as persoas asistentes, prescindirase da notificación en papel, e facultarase a Secretaría da Xunta e o titular do órgano de apoio (Oficialía Maior) para a execución deste acordo e realizar os trámites de xestión oportunos, permitindo tanto o correo electrónico como calquera outro sistema de notificación que se poida implementar.

Réxime de funcionamento

As sesións da Xunta de Goberno Local axustaranse ao disposto na lexislación vixente e no artigo 106 do Regulamento orgánico municipal  para as sesións plenarias.