Vida saudable

Este outono 2023, a biblioteca Castrillón vai continuar na liña de ofertar charlas e obradoiros vinculados ao tema da saúde, benestar e acompañamento. Este ano enfocados a temas como o acompañamento emocional na adolescencia, menopausia, sexualidade.

Baixo o epígrafe "Saúde e benestar" ofertamos diferentes obradoiros que favorezcan unha mellora na xestión da nosa saúde e ofertaremos diferentes materiais nas salas que podan servirnos de recurso para un maior coñecemento.

Corazón do barrio

Dende ano 2013 a Biblioteca Castrillón oferta un outono temático no que intenta poñer de manifesto a importancia da biblioteca como lugar de encontro, intercambio de inquedanzas e participación.

Este programa está destinado a toda a veciñanza e ten como liña de traballo principal manternos como " Corazón do barrio " que non deixa de latexar e que intenta detectar intereses aos que poder dar resposta.

Programación de actividades

1. Difusión e selección do material bibliográfico da temática Saúde e benestar:

• Mostra bibliográfica
• Préstamo de lotes da temática a entidades interesadas

2. Actividades na biblioteca:

• S.O.S. en familia. Obradoiro de primeiros auxilios impartido polo bombeiro do Concello da Coruña, Agustín Barreiro "Hache" 
• Menopausia como oportunidade, charla da xinecológa Carol Strate Perdirc AlumbraMujer, destinada ao público adulto.
• Acompañando á adolescencia dende a empatía. Ferramentas e habilidades Obradoiro formativo destinado a familias con fillos e fillas entre 11 e 17 anos impartido pola educadora social Sara Vierna.
• Presentación do proxecto galego Biblioterapia: lecturas saudables. Charla impartida pola bibliotecaria da Biblioteca Virtual do Sistema Público de Saúde de Galicia, Uxía Gutierrez Couto.
• Lectura e socialización: II Encontro interxeneracional entre os dous clubes de lectura da biblioteca e os integrantes do programa infantil Obxectivo Bibliotk .