Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir
Torre de Hércules

Epígrafe rupestre co nome do enxeñeiro, Gaius Sevius Lupus.

Torre de Hércules

O gran faro no Atlántico

Se dos camiños romanos terrestres nos quedan vestixios a través de vías, pontes e miliarios, o faro romano de Brigantium representa a obra clave da ruta marítima de longo alcance entre o Mediterráneo e o Atlántico.

O faro está localizado como unha edificación illada a 1,6 Km do asentamento romano, e foi construída a finais do século I d.C. Un epígrafe rupestre situado ao pé da torre recolle a dedicatoria a Marte Augusto feita polo arquitecto construtor lusitano Gaius Servius Lupus, natural de Aeminium (Coimbra).

A torre tería tres pisos, do mesmo xeito que o faro de Alexandría en Exipto ou o de Ostia Antica en Roma, con teito de bóvedas de canón que aínda se conservan no interior, e estaba rodeada por unha rampla cerrada cun muro de protección, da que non se conservan restos.

Coas reformas realizadas en 1791, constrúese unha nova escaleira de pedra e cérranse vans, sen afectar de forma significativa ás estruturas interiores.

A torre presenta unha planta cadrada construída con tres tipos de aparellos romanos e unha altura total de 55 metros, comprendendo 34 deles a edificación romana. A primeira mención coñecida é de comezos de século V d.C. por parte de Paulo Orosio, que se refire á torre como altassima pharum.

Pénsase que a zona na que foi levantada correspondíase cun lugar de culto indíxena, similar ao doutros puntos como a Pedra da Barca en Muxía, San Andrés de Teixido en Cedeira, ou Facho de Donón en Cangas ou o cabo de Fisterra. Estes espazos estarían vinculados coa morte e o descoñecido, simbolizando o tránsito da vida ao máis alá a través do mar.

Torre de Hércules

Representación do faro de Alexandría, 1630 de Jansson Jansonius (Atlas de Jansson Jansonius)

Torre de Hércules

Debuxo localizado nun manuscrito de Cornide (Real Academia de Historia, Madrid)

Que che parece esta sección?

-101-101-101

Síguenos en

Horario de verán

(1 de xullo - 30 de setembro)

Sábados e domingos ás 12.00 h

Xoves do mes de xullo (excepto festivos) ás 20.30 h

Horario de inverno

(1 de outubro - 30 de xuño)

Domingos ás 12:00 h

Contacto

Debido á actual situación sanitaria, as visitas terán unha capacide máxima de 15 persoas e será necesaria RESERVA PREVIA no teléfono do 

Museo Arqueolóxico e Histórico Castelo de San Antón

981 189 850

Chamadas locais: 010 / 981 184 278

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión