O presente convenio ten como obxecto fixar os termos da colaboración entre os asinantes para o desenvolvemento das accións que se dirixirán á Poboación Xitana no marco do Programa Operativo de Inclusión Social e Economía Social 2014-2020, que o Ministerio de Emprego e Seguridade Social lle encargou como organismo beneficiario á FSG a través da Resolución 106 do 28 de decembro de 2015, publicada no Boletín Oficial do Estado (BOE) do 5 de xaneiro de 2016, para a execución do proxecto de Itinerarios integrados de Inclusión Socio-Laboral para a poboación xitana, enmarcada na Prioridade de Investimento 9.2 Integración socioeconómica de comunidades marxinadas tales como a poboación romaní.