Queres saber ...

• Clubs de lectura xerais

  En que consisten os clubs de lectura xerais?

  Os clubs de lectura xerais son grupos de persoas que se reúnen periodicamente para comentar e valorar os libros que as bibliotecas lles proporcionan coa axuda dunha persoa coordinadora.

  Non tes que ser un/unha experto/a lector/a: os clubs están pensados para persoas con inquietudes culturais, ganas de ler, facer amizades e intercambiar opinións con outras persoas. En realidade, o libro é só o punto de partida.

  De luns a sábado, de mañá ou de tarde, seguro que hai un club para ti.

  Máis información
• Ciberclub: club virtual de lectura

  Se che apetece ler, compartir lecturas, opinións, reflexións..., pero sen horarios nin desprazamentos, este é o teu club! O noso club virtual de lectura, ou Ciberclub, como o coñecemos agarimosamente, está aberto para ti 24/7 na Internet e non necesitas darte de alta para participar.

  Só é necesario que te inscribas cos teus datos se queres recoller na Biblioteca Municipal Fórum Metropolitano un exemplar de cada lectura que propoñamos. Lembra que temos un número limitado de exemplares para clubs de lectura, polo que é posible que entres nunha listaxe de agarda. Consulta esta opción no correo: ciberclublectura@gmail.com.

  En calquera caso, podes tentar conseguir as lecturas propostas pola túa conta. En tal suposto, nas bibliotecas podemos ter exemplares de préstamo común que podes solicitar, ou a súa versión dixital nas nosas plataformas de préstamo electrónico.

  Máis información