"El tercer lobo" narra as historias de Pedro, Ramón e José María. O primeiro é un rapaz de 17 anos reprimido desde que ten 9. O segundo, un psicólogo que lle axudará a enfrontarse aos seus peores temores e, o terceiro, José María, é un catedrático de universidade que non terá máis remedio que aprender a plantarse cara a si mesmo. Homosexualidade, terapia e hipnose daranse cita nesta trama.

O seu autor, Franciso Javier Olivas, naciu en Granada no ano 1985. Na actualidade traballa e reside en Barcelona. Como a licenciatura en bioloxía non lle proporcionou todas as respostas ás cuestións sobre a natureza da especie humana, está agora cursando o grao en psicoloxía.

A súa afección a escribir aparece a unha idade temperá e acabou converténdose nunha especie de terapia, unha vía que lle axudou a xestionar as emocións e entender a súa esencia. Este é o obxectivo que Francisco persegue nesta primeira novela, que non é outra cousa que unha chamada á comprensión real e profunda de todas as persoas que nos rodean.