Encontros e presentacións
Persoas adultas, Xuvenil
26/11/2018
Xa rematou
Entrada libre ata completar a capacidade
De 19.00 a 20.00 horas
Biblioteca Municipal Fórum Metropolitano. Rúa Río Monelos 1. 15006 A Coruña
981 184 298
In memoriam de Rubén Montero, publicado por LxL Editorial
Rubén Montero nace en 1994 en Madrid. Gradúase en Enxeñería Informática en 2016 e en 2017 finaliza os estudos de Máster de Profesorado. Á marxe do campo académico, as súas inquietudes artísticas lévano a converterse en compositor e instrumentista autodidacta e contribuír en diversas formacións musicais. Tamén comeza a traballar na súa carreira literaria desde moi novo. Tras escribir a súa primeira novela con só 13 anos, dedicarase máis tarde a cultivar diversos estilos e escribir varias obras, a maioría delas non relacionadas entre si.
Os seus proxectos artísticos actualmente son levados a cabo simultaneamente con outros traballos no campo da investigación tecnolóxica.
Sinopse de In memoriam
Celine é unha moza estudante que un día calquera visita o teatro coa súa fiel amiga Dalia. O que puido ser unha simple e agradable velada transfórmase máis tarde nun inesperado intento de secuestro levado a cabo por enigmáticos homes interesados nuns libros que ela ten no seu poder.
Por sorte, un misterioso home aparece para rescatala. Coa mesma fugacidade coa que intervén, desaparece sen deixar rastro.
A próxima vez que el e Celine se atopen, a moza levará unha impactante sorpresa. A partir dese momento, ela e a súa amiga Dalia veranse envoltas nunha trama dun alcance que non poderían imaxinar.
Queres saber ...
En que consisten os encontros e as presentacións?
Coñecer o teu escritor favorito, charlar con esa autora que acaba de presentar nova obra... Nos encontros e presentacións de libros poderás descubrir novos materiais nas nosas bibliotecas e preguntar todo aquilo que che interese directamente aos seus responsables.
Máis informaciónPrazas esgotadas e lista de espera activa? Apúntate! Explicámosche por que. + info
Para o correcto desenvolvemento e aproveitamento das actividades rógase puntualidade xa que non se poderá acceder ao espazo pasados 5 minutos da hora de inicio.
No transcurso de todas as actividades o persoal bibliotecario realiza fotografías co obxectivo de subilas logo aos escaparates virtuais, redes sociais e/ou incluílas en carteis ou guías nos que se publicitan os programas, actividades e servizos das bibliotecas.
Se non desexas saír nestas fotografías, por favor, fala connosco antes do inicio da actividade.
Escribe a palabra ou palabras que desexas buscar:
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible