Neste obradoiro, impartido pola coruñesa Bea Lema, ilustradora e autora de cómic, as persoas participantes realizarán ilustracións con tecidos superpostos, coma se fose un collage, para crear unha escena similar as ilustracións da súa novela  gráfica "O Corpo de Cristo".

Esta técnica, estilo collage, xurdiu en Chile durante a ditadura militar e as pezas resultantes chámanse arpilleras. As obras eran realizadas por grupos de mulleres que plasmaban no seu traballo a busca dos seus familiares desaparecidos. Tempo despois, esta práctica estendeuse a outros países de América Latina.

A prática no obradorio centrarase en realizar un deseño propio. Comezarase creando a ilustración que posteriormente será trasladada á tea. A partir dese momento escolleranse os apliques a utilizar, para rematar bordando pequenos detalles. No proceso aprenderanse diferentes tipos de puntadas e técnicas para crear cada persoa a súa propia arpillera.