ACTIVIDADES DA CONVOCATORIA XERAL

• Preinscrición: 1, 2 e 3 de setembro
  • Realizarase preferentemente en liña, cubrindo o formulario: Formulario de preinscrición en actividades . Este formulario estará dispoñible desde as 08.00 h do martes 1 de setembro ata as 23.59 h do xoves 3 de setembro.
  • As persoas que NON conten con acceso a Internet, poderán realizar a preinscrición de maneira telefónica no número de teléfono 857 890 628 nas datas de preinscrición sinaladas anteriormente e en horario das 10.00 ás 14.00 h e das 16.00 ás 20.00 h.
  • Cada persoa poderá solicitar un máximo de tres actividades por centro cívico e por orde de preferencia.
  • Toda a programación detallada por centro cívico, pode consultarse na páxina web de cada centro na seguinte ligazón Se queres ver as actividades periódicas que se realizan cada día nos centros cívicos podes consultar aquí .

• Cando se realice a preinscrición, á hora de cubrir o formulario, deberá escoller o método de pagamento: en liña (con tarxeta de crédito) ou presencial con taxa de autoliquidación (na entidade bancaria).

O teléfono 857 890 628 non é un número de atención e información sobre as actividades programadas, neste teléfono unicamente se recollerá a información necesaria para a formalización da preinscrición.

• Publicación das listaxes provisionais de preinscricións: 7 de setembro.
  • As listaxes poderanse consultar nos centros cívicos, nesta web e chamando ao teléfono 010.
• Reclamacións ás listaxes de preinscricións: 8 de setembro
  • Chamando ao teléfono 857 890 628 en horario das 11.00 ás 13.30 h e das 16.00 ás 18.00 h
  • As reclamacións só poderán facer referencia a persoas que realizaron a preinscrición en prazo que non se atopan nas listaxes publicadas ou que detecten erros nos datos publicados.
• Actualización de listaxe: 9 de setembro
• Sorteo público: 10 de setembro ás 10.00 h
• Publicación das listaxes de admisións e de agarda: 21 de setembro
  • As listaxes poderanse consultar nos centros cívicos, nesta web ou chamando ao teléfono de atención cidadá 010.

• Prazo de inscrición e pagamento de taxas para as persoas admitidas: 22, 23 e 24 de setembro

  • A cota das actividades regúlase na Ordenanza número 43, reguladora do prezo público por prestación de servizos e utilización de instalacións culturais, educativas, de lecer e análogas de titularidade municipal, fóra de apoio escolar, cultura xeral e alfabetización que terán carácter gratuíto.
  • Realizarase preferentemente en liña a través desta ligazón Pago en liña das actividades do 22 ao 24 de setembro de 2026. De non facelo nestas datas perderase o dereito á praza.
  • Nas listas de persoas admitidas e de espera figurará un código, o cal haberá que introducir cando sexa requirido ao longo do proceso de pago en liña. Este código indica a persoa que está a se inscribir na actividade, o centro no que se inscribe e a actividade solicitada, polo que cada actividade terase que aboar por separado.
  • Se o pago se realiza presencialmente, debe imprimir a carta de pago e presentala na entidade bancaria ou realizar o pago a través de caixeiro.
  • O concello conta con dúas entidades bancarias asociadas para poder aboar as actividades: ABANCA e Banco Santander.
  • Unha vez pagado na entidade bancaria NON hai que entregar na conserxería do centro cívico O XUSTIFICANTE xa que se envorcarán todos os datos de pago telemático (en liña e entidade bancaria) excepto as persoas que paguen na oficina municipal da Franxa, xa que só neste caso se debe achegar o xustificante de pago no centro cívico correspondente.
  • Instrucciones pago actividades socioculturales septiembre 2026
• Data de inicio e fin de actividades
  • A partir do 28 de setembro ata o 12 de decembro

• Información importante
  • Cada actividade ten unha clasificación diferente por idade: infancia, mocidade, interxeracional e maiores. Sempre que non se especifique outro tramo de idades no título da actividade, a idade que correspondería (cumprida no momento de realizar a presinscricion) á clasificación será: Infancia de 4 a 12 anos, Mocidade de 13 a 17 anos, Interxeracional a partir de 18 anos e Maiores a partir de 65 anos.
  • Aquelas actividades que teñan a mesma denominación, aínda que teñan distintos niveis ou horario (iniciación ou perfeccionamento, grupo 1 ou grupo 2, mañá ou tarde etc.) considéranse unha mesma actividade, e só se poderá formalizar a matrícula nunha delas. En caso de facelo nas dúas, ambas quedarán anuladas.
  • As actividades que teñan nivel Iniciación están destinadas unicamente para aquelas persoas que non contan con coñecementos previos no que á actividade se refire, é dicir, que se inician na actividade.
  • Terán preferencia as persoas empadroadas no Concello da Coruña.

CLUBS DO C.C. CASTRILLÓN, actividades de carácter gratuíto dirixidas por persoas voluntarias

• Preinscrición: 1, 2 e 3 de setembro.
  • As preinscricións realizaranse de maneira presencial na conserxería do centro no que se imparte o club, en horario das 10.00 ás 14.00 h e das 16.00 ás 20.00 h.

• Sorteo: 10 de setembro

  • No caso de que o número de solicitudes presentadas para algún dos clubs supere a capacidade ou o número de prazas dispoñibles, a adxudicación das prazas realizarase mediante sorteo.

• Publicación das listaxes de admisións e de espera: 21 de setembro.
  • Poderase consultar no centro cívico no que se realiza o club, nesta web ou chamando ao teléfono de atención cidadá 010.
• Prazo de inscrición: do 22 ao 24 de setembro.
  • Nestes días as persoas admitidas nos clubs CONFIRMARÁN A PRAZA, ben de forma presencial ou por teléfono, no centro cívico no que se realiza o club.