Dentro da segunda edición do Programa Laboratorios Propios do CICA (Centro Interdisciplinar de Química e Bioloxía da UDC) a Biblioteca Municipal Durán Loriga acollerá a Mesa redonda "Ser científica hoxe - retos compartidos, realidades distintas" celebrada polo Día Internacional da Muller e a Nena na Ciencia.

Esta xornada servirá como encontro entre investigadoras de diferentes ámbitos científicos. A través de experiencias personais e profesionaiss, as ponentes ofrecerán unha visión comparada e realista das dificultades actuais, contribuíndo a desmontar estereotipos e a xerar referentes femininos diversos.

As participantes na mesa serán:

• Socorro Castro, investigadora do grupo udcsolidos do CICA

• María Suárez Taboada, investigadora no grupo M2Nica de CITIC

• Mª Isabel Martínez Lage, investigadora do grupo gCons de CITEEC

Coa celebración do Día da Muller e a Nena na Ciencia trátase de:

• Visibilizar o traballo das mulleres que se dedican ás áreas STEM (Ciencia, Tecnoloxía, Enxeñaría e Matemáticas), creando así referentes femininos para a infancia que poidan contribuír á elección destas áreas como carreiras profesionais. 
• Coñecer os diferentes factores que afectan á situación actual da muller nas áreas STEM para fomentar prácticas que conduzan á súa eliminación e alcanzar a igualdade de xénero no ámbito científico.