Principais plataformas para a autoformacion

• Coursera conta con máis de 2.000 cursos (tanto gratuítos como de pago), en diferentes idiomas e de moitas temáticas diferentes: desenvolvemento persoal, negocios, ciencia, humanidades, informática...

• MIRÍADAX (apoiada por universidades e institucións iberoamericanas): conta con case 600 cursos sobre saúde, belas artes, redes sociais, comunicación... nos que se inclúen distintos tipos de actividades.

• Aprender Gratis é unha plataforma que recompila máis de 2000 cursos, tutoriais, guías e manuais gratuítos dunha gran variedade de temas: desde arquitectura a técnicas de estudo ou manexo da tensión.

• UNED oferta cursos moi variados. idiomas, obradoiros de escritura, traballo social, alfabetización informacional...

• No Ministerio de Educación na súa páxina de Aula Mentor atopamos unha oferta moi variada : ademais dos habituais de informática, negocios ou idiomas, hai outros como Historia da arte, padronaxe e para costura, xardinaxe ou restauración de obxectos antigos. Neste caso moitos deles teñen un custo mensual, pero puntualmente lanzan unha convocatoria de cursos gratuítos.

• Para quen queira mellorar mellorar os seus coñecementos profesionais FUNDAE (Fundación Estatal para a formación no emprego) ofrece cursos gratuítos de formación profesional para o emprego con prácticas profesionais.

• Fórmate tamén está orientado a traballadores en activo ou no paro.

Plataformas para mellorar a lingua galega e as novas tecnoloxías

• Se queres mellorar en novas tecnoloxías a Xunta de Galicia, a través de CeMIT busca fomentar a inclusión dixital de todos os cidadáns con cursos presenciais (por agora suspendidos) e en modalidade de teleformación. Tamén o Centro de Apoio Tecnolóxico de Castela-A Mancha ofrece a través da Plataforma Formados-Bilib 60 cursos de iniciación ás TIC. Para os profesionais da educación, tanto E-Graó como INTEF de Educalab , ScolarTIC da Fundación Telefónica ou Rededuca ofrécelles cursos específicos.

• Queres aproveitar para mellorar o teu nivel de galego? A Xunta de Galicia ofréceche facelo e obter o CELGA e podes estudalo co obxectivo de obter o teu certificado tras un exame pero tamén simplemente polo pracer de aprender (na sección de autoaprendizaxe).

Plataformas para sacar o teu lado máis creativo

• CREHANA , para os que queiran desenvolver o seu lado máis artístico, atoparás cursos gratuítos sobre ilustración, fotografía, animación etc.

• Tutellus ten, ademais de cursos de pago, outros gratuítos sobre maxia, decoración de festas ou meditación.