ODS núm. 1: Poñer fin á pobreza en todas as súas formas en todo o mundo

ODS núm. 3: Garantir unha vida sana e promover o benestar para todos e todas as idades.

ODS núm. 5: Lograr a igualdade entre os xéneros e empoderar a todas as mulleres e nenas.

ODS núm. 10: Reducir a desigualdade entre e nos países.

Beatriz rematou a carreira de INEF e tivo a sorte de ser bolseira pola Universidade da Coruña para realizar un proxecto relacionado cos seus estudos nun país en vías de desenvolvemento e coñecer a realidade del. Aproveitou a oportunidade para escoller como destino a República Democrática do Congo. Alí pasou a súa estancia como voluntaria nunha pediatría/orfanato con hospital incluído, con máis de 600 nenas e nenos de todas as idades. Unha experiencia excepcional, indescritible e irrepetible pola intensidade vivida, as emocións transmitidas polo lugar e as súas persoas, así como polas sensacións que invitablemente explotaron. A estadía permitiulle coñecer a realidade do país, se cadra demasiado de preto... unha realidade marabillosa e terrible ao mesmo tempo. As tarefas diarias de ensinar matemáticas, regras e prácticas do deporte, normas básicas de hixiene, dar agarimo, axudar no que puidese, dar clases de español... que enchían de felicidade a Beatriz víronse truncadas por un suceso que ela mesma quere compartir con todos nós. Con este manifesto quere dar a coñecer o amor e apoio ás adolescentes orfas da devandita pediatría convertida en ONG: "Croire en elles" (crer neles)/nelas).