Actividade	Onde	Cando
Mostras bibliográficas	Bibliotecas Estudos Locais, Fórum e Monte Alto	do 4 ao 16 de marzo
Conversa Rompendo regras: cancro e menopausa (acceso libre ata completar aforo)	Biblioteca Durán Loriga	11 de marzo, 18:30 h
Obradoiro Muller e Saúde (previa inscrición)	Biblioteca Monte Alto	12 de marzo, 18:30 h
Conversa con Belén López Cillero (en blog)	Blog Suma Ágora	-

Máis información

Mostras bibliográficas

Estas mostras non son unha parede de lamentos nin unha ofrenda chea de pó: é un diálogo. É lembrar ás que non puideron brillar como merecían -non por falta de talento, senón por falta de espazo, de recoñecemento, de xustiza-, e ao mesmo tempo é un aviso de que o foco está aquí e agora, acendido, e que aínda queda traballo por facer para que non se apague.

Non queremos contar unha historia cómoda. Non foi doado antes e non o é agora. Pero se a biblioteca ten unha tarefa, é esta: non deixar que as voces se perdan. Recuperar as que foron silenciadas e soster as que hoxe están medrando.

Porque visibilizar non é celebrar, é soster. É ler, recomendar e dar lugar. É dicir que existiron e que existen.

Lugar: Biblioteca Forum Metropolitano  Data:   do 4  ao 16 marzo Horario: horario de apertura da biblioteca Público destinatario:  públicado infantil, xuvenil e adulto.

Lugar: Biblioteca de Estudos Locais Data:   do 4  ao 16 marzo Horario: horario de apertura da biblioteca Público destinatario: de 18 en adiante

Lugar: Biblioteca de Monte Alto Data:   do 4  ao 16 marzo Horario: horario de apertura da biblioteca Público destinatario: de 18 en adiante.

Conversa "Rompendo regras: cancro e menopausa"

Complementando a exposición fotográfica "Virando a rosa" proxecto gañador do VII Premio Luisa Villalta a proxectos pola igualdade do ano 2025 que se desenvolve na sala de exposicións da Casa da Cultura Salvador de Madariaga, e dentro das accións da biblioteca no seu programa Rompendo Regras, teremos  unha charla e testemuñas sobre o cancro e a menopausa.

Data: 11 de marzo

Horario: de 18.30 a 20.00 h

Lugar: Biblioteca Municipal Durán Loriga

Público destinatario: calquera persoa interesada no tema

Acceso de balde ata completar aforo

Obradoiro formativo Muller e Saúde

Esta actividade formativa busca mellorar a comprensión dos cambios evolutivos da muller e previr enfermidades propias do colectivo feminino.

O programa céntrase na saúde integral, promovendo hábitos saudables , a detección temperá mediante cribados e o auto coñecemento como base dunha prevención personalizada, abordando tamén a menopausa e os recursos de apoio dispoñibles.

Data: 12 de marzo

Horario: de 18:30 a 20:30 h

Lugar: Biblioteca Monte Alto

Público destinatario: mulleres a partir dos 40 anos

Acceso de balde previa inscrición presencial, en liña, ou por teléfono.

• Máis información na ligazón: Obradoiro Muller e Saúde.

Conversa con Belén López Cillero (en blog)

Belén López Cillero é investigadora social a tempo completo e participante nun dos Grupos de Conversa en Galego que se desenvolven mércores e xoves na Biblioteca Ágora.

Con ela falamos este 8 de marzo, Día Internacional da Muller Traballadora, na nosa sección Conversas con... da súa historia persoal, da importancia de dar voz ás mulleres recluídas no Padroado de Protección á Muller e de poñer luz para reparar o dano de quen pasou por esta institución.

• Ligazón: "[Belén López Cillero]: Ter un pai machista fixo de min unha feminista con tan só sete anos"

8M: Día Internacional da Muller: Mulleres reais liderando o cambio