O último proxecto de Bego M. Santiago invítanos a mergullarnos na serie "Cosmos, todo o que está ordenado", unha colección de cuncas místicas, pantallas líquidas e pozos sen fondo que a través da cine-escultura recolle o testemuño do desbordamento Valdelomariano. 

Unha inmersión persoal nas profundidades da Xeometría Sagrada, que se aproxima ao "número idea" dende os seus niveis de lectura estéticos, simbólicos e místicos para crear unha obra líquida sobre a conciencia individual e todo aquilo que a relaciona co cosmos. 

Adentrémonos, pois, no seu universo fluído e deixémonos envolver por esta experiencia entre o cine experimental e a arte dixital.

Xisela Franco

​

Coa participación na inauguración dos cociñeiros Alhambra; Luis Veira e Álvaro Victoriano.