O mércores 27 de abril ás 19:00 h. temos na Biblioteca Municipal Fórum Metropolitano un faladoiro co músico e investigador Xurxo Fernandes sobre a convivencia de diferentes xeracións nas ruadas do folclore tradicional e a importancia de que estes encontros de lecer permanezan.

Da man do músico e investigador Xurxo Fernandes achegarémonos á interxeracionalidade como elemento singular dentro do folclore: pasado, presente e futuro das ruadas nas que desaparece a división etaria. Descubriremos cales son as claves para afianzar estes espazos e como contribuír desde o ensino a fornecer códigos que permitan o funcionamento actual e futuro deste fenómeno de lecer. Xurxo Fernandes leva máis de 25 anos dedicado á investigación e difusión da música tradicional. Posgraduado en Especialización de Música Tradicional Galega pola USC a súa traxectoria en traballo de campo comeza aos 14 anos. É membro fundador e director de diversas agrupacións musicais, no ámbito da docencia leva impartido cursos de música patrimonial tanto en Galicia como como no exterior, Venezuela, Alemaña, Cuba, Bélxica, Francia, México, Arxentina, Polonia... Fundador de Radio Cos ten participado como artista nos principais festivais de música de raíz internacionais.