Nesta edición do 2021, a homenaxeada é Lolita Díaz Baliño, coruñesa imprescindible na historia desta industria cultural en Galicia e muller clave nos ambientes intelectuais do pimero tercio do século XX.

A importancia da súa obra e a súa figura supón un exemplo para moitas mulleres contemporáneas que dedican a súa vida ao traballo no eido da ilustración e o deseño gráfico.

O Servizo Municipal de Bibliotecas súmase, así, á iniciativa promovida pola Consellería de Cultura da Xunta de Galicia xunto coa AGPI (Asociación Galega de Profesionais da Ilustración) poñendo o foco sobre dous obxectivos:

• Visibilizar a figura de Lolita Díaz Baliño.
• Visibilizar e mostrar recursos informativos de ilustradoras coruñesa contemporáneas coa posta en valor do actual colectivo de mulleres ilustradoras e coruñesas que forman parte da iniciativa Coruña Gráfica.

Dende o luns 25 e a ata o 30 de marzo :

• Mostras bibliográficas de ilustadoras coruñesas con produción editorial.
• Guía de lectura de ilustradoras coruñesas.
• Libros Vivintes con Anabel Colazo e Xulia Pisón.
• Contido dixital: blogs, redes, web.

Contido dixital

Baixo os cancelos #DiaDaIlustracion #DiaDaIlustracion2021 #IlustradorasCoruñesas e #CoruñaGrafica iremos publicando distintas entradas nos perfís das nosas redes sociais e nos blogs, dende o luns 25 ata o sábado 30, o propio Día da Ilustración.

• No blog de Fancómic presentaremos a nosa campaña e mostraremos a programación da AGPI (Asociación Galega de Profesionais da Ilustración) para esta efeméride.
• No blog dos Clubs de lectura  presentaremos a figura de Lolita Díaz Baliño e mostraremos os materiais que temos sobre a ilustradora na nosa Biblioteca de Estudos Locais.
• No blog Suma Ágora conversaremos coas ilustradoras Anabel Colazo e Xulia Pisón.
• Elaboramos tamén unha guía de lectura con recursos de ilustradoras coruñesas contemporáneas, na súa maioría parte do censo de Coruña Gráfica, sempre en crecemento, e que están dispoñibles no catálogo das bibliotecas.

Guía de lectura

Elaboramos unha guía de recursos bibliográficos coa que vos convidamos a descubrir, a través da colección dispoñible nas bibliotecas, as personalidades femininas máis salientables do panorama actual da cidade da Coruña.

Mostras bibliográficas

Dende o luns 25 e ata o 14 de febreiro teremos dispoñibles en todas as bibliotecas municipais, agás na Biblioteca de Estudos Locais, mostras bibliográficas con obras de ilustradoras coruñesas das que temos fondos no noso catálogo: Aldara Prado, Marta Álvarez Miguéns , Aurora Cascudo Román, Iria do Castelo, Lucía Cobo, Sonia Mª Corral , Paula Esteban , Iria Fafián, Bea Lema, Paula Mayor Agrelo, Perrilla (Talia García), Xulia Pisón, Emma Ríos, Irene Sanjuán, Marina Seoane Pascual, Xulia Vicente, Yupiyeyo (María Álvarez Hortas), Anabel Colazo e María Lires.