- Inicio
- Memoria local
- Especiales
- Publicacións de entroido
Publicacións de entroido
Peza da colección, 1918
Como sinala Xosé Alfeirán na súa obra titulada "Choqueiros. Breve crónica histórica do carnaval coruñés", o carnaval coruñés é unha celebración viva, que decae e se recupera, e que se acomoda aos diferentes cambios sociais e económicos que se van a producir na cidade.É un carnaval urbano con ingredientes rurais, populares e cultos, que se combinan de xeitos diferentes ao longo da súa existencia. Se tiveramos que seleccionar as súas manifestacións máis persistentes destacaríamos os choqueiros e mascaritas, a tirada de obxectos, o baile, as mascaradas e procesións, e os apropósitos.
A colección especial de publicacións de Entroido reflicte, en gran medida, esta variedade de manifestacións. Nela pódense atopar follas soltas con letras de apropósitos, anuncios de comparsas, concursos carnavalescos, fotografías ou carnés de bailes de máscaras.
É unha pequena colección de crecemento escaso e lento que, a pesar da súa pequena extensión, facilita o coñecemento desta festa tan arraigada na Coruña ao longo do tempo.
E é que estas publicacións de entroido permiten ilustrar a evolución da sociedade coruñesa e como a festa se foi acomodando aos cambios dos que fala Alfeirán.
Detalle dunha das pezas
Ademais, se a este singular conxunto lle sumamos outros materiais dispoñibles na Biblioteca de Estudos Locais sobre este tema, como poden ser os apropósitos, tan do entroido coruñés, os bandos ditados para o Carnaval, as publicacións menores modernas ou a música impresa carnavalesca, os carteis ou os programas desta festa, entre outros, pódese profundar nesta celebración, de tan fondo calado e longa tradición.
También te puede interesar
¡Tienes un navegador demasiado antiguo!
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible